பேராசிரியை நிர்மலா தேவி கைது!
Author: SRK | Posted Date : 07:11 (16/04/2018) A+       A-

பேராசிரியை நிர்மலா தேவி கைது!

Apr 16


அருப்புக்கோட்டையில் மாணவிகளை பாலியல் ரீதியாக தவறாக பயன்படுத்த முயற்சி செய்த பேராசிரியை நிர்மலா தேவி கைது செய்யப்பட்டுள்ளார். 

விருதுநகர் மாவட்டம் அருப்புக்கோட்டை பகுதியை சேர்ந்த சில கல்லூரி மாணவிகளை அவர்களது ஆசிரியையான நிர்மலா தேவி, சில உயர் அதிகாரிகளுடன் 'அனுசரித்து' செல்ல அழைப்பு விடுத்த ஆடியோ மிகப்பெரிய அளவில் சர்ச்சையை கிளப்பியுள்ளது.  இதுகுறித்து அவரை கைது செய்து விசாரிக்க காவல்துறையினர் அவரது வீட்டுக்கு சென்றனர். ஆனால், வீடு பூட்டியிருந்ததால், கைது செய்யாமல் இருந்தனர். 

பூட்டிய வீட்டுக்குள் அவர் இருந்ததாக தெரிய வந்த நிலையில், பூட்டை உடைத்து, கைது செய்துள்ளனர். உடனடியாக விசாரணை நடத்தி, இந்த விவகாரத்தில் யார் யார் சம்பந்தப்பட்டுள்ளார்கள், யாருக்காக இவ்வாறு அவர் பேசினார், என்பதை கண்டுபிடிக்க காவல்துறை அதிகாரிகள் அடுத்த கட்ட முயற்சியில் ஈடுபட்டுள்ளார்கள்.

இந்த விவகாரத்தில், தமிழக கல்வித்துறையின் மிக உயர் அதிகாரிகளுக்கு தொடர்பு இருக்கலாம் என்ற ரீதியில் நிர்மலா தேவி பேசியிருப்பதால், இதன் மீது மிகப்பெரிய எதிர்பார்ப்பு எழுந்துள்ளது.