பேசாமல் இருந்திருந்தால் சுமூகமாக முடித்திருக்கலாம்: அட்டர்னி ஜெனரல்

  SRK   | Last Modified : 12 Jan, 2018 10:08 pm


உச்ச நீதிமன்ற நீதிபதிகள் 4 பேர் இன்று தலைமை நீதிபதி தீபக் மிஸ்ராவின் மீது சுமத்திய குற்றச்சாட்டுகள் நாடு முழுவதும் பெரும் அதிர்வலைகளை ஏற்படுத்தியுள்ளது.

வழக்குகளை நீதிபதிகளுக்கு நியமிப்பதில், தலைமை நீதிபதி விதிமுறைகளை மீறுவதாக, நீதிபதி சேலமேஸ்வர் உட்பட 4 நீதிபதிகள் பத்திரிகையாளர்களை சந்தித்து பேட்டியளித்தார். பல முறை இதுபற்றி அவரிடம் பேசியும் பிரயோஜனம் இல்லையென்றும், இன்று காலை கூட பேசியதாகவும் தெரிவித்தனர். வேறுவழியில்லாமல் மக்கள் முன் இந்த விஷயத்தை கொண்டு செல்ல வேண்டிய நிலைக்கு தள்ளப்பட்டதாக அவர்கள் கூறினர்.

இதைத் தொடர்ந்து, இந்த விவகாரம் குறித்து பேசிய இந்திய அட்டர்னி ஜெனரல் கே.கே.வேணுகோபால், "இந்த பத்திரிகையாளர் சந்திப்பை தவிர்த்திருந்தாலே இந்த விஷயம் சுமூகமான முடிவுக்கு வந்திருக்கும்" என கூறினார்.

Advertisement:
[X] Close