புதிய SUV-யை அறிமுகப்படுத்தியது மகேந்திரா!

  Newstm Desk   | Last Modified : 25 Nov, 2018 04:52 am
mahindra-introduces-new-suv

இந்தியாவில் மிகப்பெரிய அளவு வரவேற்பை பெற்ற பார்ச்சூனர், எண்டேவர் போன்ற SUV ரக கார்களுக்கு நேரடி போட்டியாக, மகேந்திரா நிறுவனம் 'ஆல்டூராஸ் ஜி4' என்ற காரை அறிமுகப்படுத்தியுள்ளது.

கடந்த சில ஆண்டுகளில் இந்தியாவில் எஸ்யூவி கார்களின் மீது மோகம் அதிகரித்துள்ளது. பட்ஜெட் கார்கள் மட்டுமல்லாமல், 25-40 லட்ச ரூபாய் வரையிலான சொகுசு SUVக்களின் விற்பனைஎகிறியுள்ளது. ஜப்பானின் இஸுசு நிறுவனத்தின் கார்களும் சமீபத்தில் அதிக விற்பனையை கண்டுள்ளது. ஏற்கனவே போர்டின் எண்டேவர், டொயோட்டாவின் ஃபார்ச்சூனர், மிட்சுபிஷியின் பஜேரோ உள்ளிட்ட சொகுசு SUVக்கள் வாடிக்கையாளர்களை மிகுந்த அளவு கவர்ந்துள்ளது.

இவற்றுக்கு நேரடி போட்டியாக மகேந்திரா நிறுவனம் ஒரு புதிய சொகுசு காரை தற்போது அறிமுகப்படுத்தியுள்ளது. 'ஆல்டூராஸ் ஜி4' என பெயரிடப்பட்டுள்ள இந்த கார், மகேந்திராவின் கிளை நிறுவனமான தென் கொரியாவின் சேங்யோங் நிறுவனத்தின் ரெக்ஸ்டன் மாடலை மையமாக கொண்டு வடிவமைக்கப்பட்டுள்ளதாம். இந்த காரில் 178 குதிரைத் திறன் பவர் உள்ளது. 2 வீல் ட்ரைவ் மற்றும் 4 வீல் ட்ரைவ் என இரண்டு மாடல்களில் இந்த கார் வெளியாகிறது. இந்த ஆல்டூராஸ் ஜி4-ன் துவக்க விலை ரூ.26.95 லட்சத்தில் துவங்கி, அதிகபட்சமாக ரூ.29.95 லட்சம் வரை செல்லும் என கூறப்பட்டுள்ளது.

newstm.in

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close