வாட்ஸ்அப்பின் உள்ளேயே பிரவுசர் - தயாராகும் புதிய அப்டேட்

  Newstm Desk   | Last Modified : 16 Mar, 2019 08:08 pm
new-whatsapp-update-to-have-in-app-browser

வாட்ஸ்அப் நிறுவனம், ஆப் உள்ளேயே இயங்கும் புதிய பிரவுசர் வசதியை கொண்டு வர உள்ளதாக தகவல்கள் வெளியாகியுள்ளது.

உலகின் மிகப்பெரிய மொபைல் ஆப்பான வாட்ஸ்அப் வெளியிடும் புதிய அப்டேட்களுக்காக வாடிக்கையாளர்கள் ஆவலாக காத்திருக்கின்றனர். அடுத்ததாக, ஆப்பினுள்ளேயே செயல்படும் புதிய பிரவுசர் சேவையை வாட்ஸ்அப் அறிமுகப்படுத்த உள்ளதாக கூறப்படுகிறது. இது குறித்து வெளியாகி வரும் தகவலின்படி, வாட்ஸ்அப்பில் பகிரப்பட்டு வரும் லிங்க்குகளை திறக்கும் போது, அது கூகுள் குரோம் போன்ற வேறு ப்ரவுசருக்கு செல்லாமல், வாட்ஸ்அப்பின் சொந்த பிரவுசர் மூலம் ஆப் உள்ளேயே திறக்கும் என தெரிவிக்கப்பட்டுள்ளது.

இந்த புதிய அப்டேட் மூலம், லிங்குகள் திறக்க மொபைல் எடுத்துக்கொள்ளும் நேரம் குறையும் என கூறப்படுகிறது. தற்போது, இந்த அப்டேட்டுக்கான பணிகள் நடைபெற்று வருவதால், வாட்ஸ்அப்பின் புதிய அப்டேட்டில் இந்த சேவை கிடைக்காது என்றும், விரைவில் தனி அப்டேட் மூலம் இது வெளியிடப்படும் என்றும் தெரிவிக்கப்பட்டுள்ளது.

இந்த இன்-ஆப் பிரவுசர் அப்டேட், ஆண்ட்ராய்டு 4.1 அல்லது அதற்கு பிறகு வந்த இயங்குதளங்களில் மட்டுமே செயல்படும் என்றும் கூறப்பட்டுள்ளது. இந்த பிரவுசர் மூலம் திறக்கப்படும் லிங்குகளை, ஸ்கிரீன் ஷாட் எடுக்க முடியாதாம். ஆனால், அடுத்தடுத்து வரும் அப்டேட்கள் மூலம், இந்த குறையும் தீர்க்கப்படும் என்று எதிர்பார்க்கப்படுகிறது.

newstm.in

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close