விவசாயிகளுக்கு க்ரெடிட் கார்டு வழங்கும் எஸ்.பி.ஐ

  SRK   | Last Modified : 31 Jan, 2018 12:30 pm


இந்தியாவின் மிகப்பெரிய வங்கியான எஸ்.பி.ஐ, முதன்முதலாக விவசாயிகளுக்கு க்ரெடிட் கார்டு கொடுக்க திட்டமிட்டுள்ளது. இந்த திட்டத்தை முதலில் 3 மாநிலங்களில் செயல்படுத்த உள்ளதாக தெரிவித்துள்ளனர்.

"எஸ்.பி.ஐ கார்ட்ஸ் மற்றும் எஸ்.பி.ஐ பேமெண்ட் சேவைகள் சேர்ந்து, ராஜஸ்தான், குஜராத், மத்திய பிரதேசம் ஆகிய மூன்று மாநிலங்களில் விவசாயிகளுக்கு க்ரெடிட் கார்டு வழங்கும் சோதனை திட்டத்தை துவங்கியுள்ளோம். பல விண்ணப்பங்கள் வந்து கொண்டிருக்கின்றன. இந்த சோதனையின் வெற்றியை கணக்கில் கொண்டு இந்த திட்டம் மற்ற மாநிலங்களுக்கு கொண்டு செல்லப்படும்" என்றார் எஸ்.பி.ஐ தலைவர் ராஜ்னீஷ் குமார்.

இது ஏற்கனவே வழங்கப்பட்டு வரும் கிசான் க்ரெடிட் கார்டு திட்டத்திற்கு மாறானது என்றும் எஸ்.பி.ஐ கூறியுள்ளது. தற்போது வரை 100 பேர் விண்ணப்பித்துள்ளதாகவும், பரிசீலனை முடிந்து அவர்களுக்கு க்ரெடிட் கார்டு வழங்கப்படும் என்றும் தெரிவிக்கப்பட்டுள்ளது.

குரு பெயர்ச்சி பலன்கள் 2018 - 19 பெற உங்கள் மின்னஞ்சல் முகவரியை பதிவு செய்யவும்

எங்களை பின் தொடர

Advertisement:
[X] Close