காலண்டரைப் பார்க்காமலேயே ராகு, எம கண்டம் சொல்ல முடியுமா?

  கோமதி   | Last Modified : 23 Jun, 2018 08:28 am

if-you-memorize-this-way-you-need-not-see-the-calendar-to-know-the-raku-time-and-yamakandam

தர்ம சாஸ்த்திரங்களில், நேரம், காலம், திதி, நட்சத்திரம், ராகு காலம், எமகண்டம் ஆகியவை முக்கியத்துவம்  வாய்ந்தவை. அதிலும் எந்த செயல் செய்வதற்கு  முன்பு   ராகு காலம், யமகண்டம் பார்ப்பது   பரம்பரை பரம்பரையாக தொடர்கிறது,

கிராமங்களில் வசித்த பெரியவர்கள்  ராகு காலம், எமகண்டம், குளிகை ஆகிய தகவல்களை  எந்த நேரத்திலும்  எளிதில்  சொல்லும் திறன் படைத்தவர்களாக இருந்தனர். இப்போது  எந்த தகவலுக்கும் காலண்டர்  அல்லது கூகுளில் தேடுவது  வழக்கமாகிவிட்டது.

ஒவ்வொரு நாளுக்கும் உரிய ராகு காலம், எம கண்டத்தை எளிதாக அறிந்துகொள்ள சுலபமான வழிமுறை  சொல்கிறது  இந்த பதிவு.

கீழ்கண்ட  வாக்கியத்தை முதலில் மனப்பாடம் செய்து கொள்ள வேண்டும்.

திருநாள் சந்தடியில் வெயிலில் புறப்பட்டு விளையாடச் செல்வது ஞாயமா?'

இந்த வாக்கியம், ராகுகாலத்தினை அறிவதற்கானது. வாக்கியத்தில் உள்ள வார்த்தைகளில் முதல் எழுத்துகளை, கிழமைகளின் முதல் எழுத்தாக கொள்ளுங்கள்.

முதலில் திங்கட்கிழமையில் காலையில் 7.30 மணி முதல் 9 மணி வரை ராகுகாலம் அமையும். அதுமுதல் அடுத்தடுத்துள்ள நேரத்திற்கு உரிய தினம் எது என்று தெரியுமா?

திங்கள்:7.30-9.00; சனி:9.00-10.30; வெள்ளி: 10.30-12.00;

புதன்:12.00-1.30; வியாழன்:1.30-3.00;

செவ்வாய்: 3.00-4.30; ஞாயிறு: 4.30-6.00.

மேற்கண்டவாறு மனப்பாடம் செய்து கொண்  டால் காலண்டரைப் பார்க்காமலே சட்டென்று ராகு காலம் சொல்லிவிடலாம்

அடுத்தது, எம கண்ட நேரங்களை எளிதில்  நினைவில் வைத்துக்கொள்ள, 

 விளையாட்டாய் புண்ணியம் செய்தாலும் திருவருளை ஞானமும் சத்தியமும் வெளிப்படுத்தும் 

என்ற வாக்கியம் நமக்கு உதவும் .

எமகண்டம் வியாழக்கிழமை காலை 6 மணி முதல் 7.30 மணி வரை அமையும். இந்த வாக்கியத்தில் உள்ள முதல் எழுத்து வரிசைப்படி கிழமைகள் அடுத்தடுத்துவர, அடுத்தடுத்த 1.30 மணி நேரம் எமகண்டம்.

வியாழன்: 6.00-7.30; புதன்: 7.30-9.00; 

செவ்வாய்: 9.00-10.30; திங்கள்: 10.30-12.00; 

ஞாயிறு: 12.00-1.30; சனி: 1.30- 3.00; வெள்ளி: 3.00-4.30.

நமக்கு இனி ராகுகாலம், எமகண்டம் நேரங்கள் சொல்வது எளிதாகும்.

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.