மஹாவிஷ்ணுவின் சயனங்கள் பற்றி உங்களுக்கு தெரியுமா?

  அறம் வளர்த்த நாயகி   | Last Modified : 18 Sep, 2019 11:41 pm
know-about-sayana-perumal

கிடந்த கோலத்தில் காட்சியளிக்கும் திருமாலின் சயனங்கள் 10 வகைப்படும். அவை:
1. ஜல சயனம்
2. தல சயனம்
3. புஜங்க சயனம் (சேஷசயனம்)
4. உத்தியோக சயனம்
5. வீர சயனம்
6. போக சயனம்
7. தர்ப்ப சயனம்
8. பத்ர சயனம் (பத்ர எனில் ஆலமரத்து இலை)
9. மாணிக்க சயனம்
10. உத்தான சயனம்

1. வைணவத்தில் கூறப்படும் திருமால் சயனக்கோலங்களில் மக்கள் தம் பூத உடலுடன் சென்று தரிசிக்க முடியாத ஜல சயனம், 107-வது திவ்ய தேசமான ஸ்ரீவைகுண்டம் எனும் திருப்பாற்கடலில் அமைந்துள்ளது.

2. வைணவத்தில் கூறப்படும் திருமால் சயனக்கோலமான தல சயனம் 63 வது திவ்ய தேசமான மாமல்லபுரம் என்னும் கடல மல்லையில் அமைந்துள்ளது. இங்கு திருமால், வலதுகரத்தை உபதேச முத்திரையுடன் மார்பின் மீது வைத்து, ஆதிசேஷன் மீது சயனித்து காட்சி தருகிறார்.

3. வைணவத்தில் கூறப்படும் திருமால் சயனக்கோலமான புஜங்க சயனம் (சேஷசயனம்), முதலாம் திவ்ய தேசமான ஸ்ரீரங்கம் என்னும் திருவரங்கத்தில் அமைந்துள்ளது. இங்கு திருமால் புஜங்க சயனத்தில் ஆதிசேஷன் மீது சயனித்து காட்சி தருகிறார்.

4. வைணவத்தில் கூறப்படும் திருமால் சயனக்கோலமான உத்தியோக சயனம் (உத்தான சயனம்). 12 வது திவ்ய தேசமானகும்பகோணத்தில் அமைந்துள்ளது. இங்கு,,சாரங்கபாணிப் பெருமாள், திருமழிசை ஆழ்வாருக்காக, சயனத்தில் இருந்து சற்றே எழுந்து பேசுவது போலான, உத்தியோக சயனத்தில் காட்சி தருகிறார். இது வேறு எங்கும் இல்லாத சிறப்பு.

5. வைணவத்தில் கூறப்படும் திருமால் சயனக்கோலமான வீர சயனம், 59 வது திவ்ய தேசமான திருஎவ்வுள்ளூர் என்னும் திருவள்ளூரில் அமைந்துள்ளது.
 திருமால், ‘நான் எங்கு உறங்குவது?’ என்று சாலிஹோத்ர முனிவரை கேட்டபோது, அவர் காட்டிய இடம் திருஎவ்வுள்ளூர். இங்கு வீரராகவப் பெருமாள், வீர சயனத்தில் காட்சி தருகிறார்.

6. வைணவத்தில் கூறப்படும் திருமால் சயனக்கோலமான போக சயனம், 40 வது திவ்ய தேசமான, திருசித்திரகூடம் என்னும் சிதம்பரத்தில் அமைந்துள்ளது. இங்கு புண்டரீகவல்லி தாயார் சமேதராய் கோவிந்தராஜப் பெருமாள் ,போக சயனத்தில் காட்சி தருகிறார்.

7. வைணவத்தில் கூறப்படும் திருமால் சயனக்கோலமான தர்ப்ப சயனம், 105 வது திவ்ய தேசமான, ராமேஸ்வரம் அருகே, திருப்புல்லாணியில் அமைந்துள்ளது. 
இங்கு, ஸ்ரீராமர், தர்ப்ப சயனத்தில் காட்சி தருகிறார். தர்ப்ப சயனம் பாம்பனை அல்ல. இது வேறு எங்கும் இல்லாத சிறப்பு.

8. வைணவத்தில் கூறப்படும் திருமால் சயனக்கோலமான பத்ர சயனம், 99 வது திவ்ய தேசமான, ஸ்ரீவில்லிப்புத்தூரில் அமைந்துள்ளது. இங்கு ஸ்ரீரங்கமன்னார் ,வடபத்ர சயனத்தில் காட்சி தருகிறார். பத்ர எனில் ஆலமரத்து இலை என்று பொருள்.

9. வைணவத்தில் கூறப்படும் திருமால் சயனக்கோலமான மாணிக்க சயனம், 61 வது திவ்ய தேசமான திருநீர்மலையில் அமைந்துள்ளது. இங்கு திருமால் ரங்க நாயகி சமேத ரங்கநாதனாக, சதுர் புஜங்களுடன், அரவணையில், மாணிக்க சயனத்தில் காட்சி தருகிறார். இங்கு பெருமாளை நின்றான், இருந்தான், கிடந்தான், நடந்தான் என நான்கு நிலைகளில் தரிசிக்கலாம்.

10. வைணவத்தில் கூறப்படும் திருமால் சயனக்கோலமான உத்தான சயனம், திருக்குடந்தையில் அமைந்துள்ளது. இங்கு திருமால் அரவணையில் உத்தான சயனத்தில் காட்சி தருகிறார்.
 
இந்த தலங்களை தரிசித்தால், வைகுண்டம் சென்று வந்த புண்ணியம் கிடைக்கும்.

newstm.in

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close