நவராத்திரியில் அபிராமி அந்தாதியின் மகிமை!

  அறம் வளர்த்த நாயகி   | Last Modified : 30 Sep, 2019 10:14 pm
navarathiri-special-abiramu-anthathi

அம்பிகை வழிபாட்டில் முக்கிய இடம் பெறும் துதிகள், ஆதிசங்கரர் அருளிய சவுந்தர்யலஹரி மற்றம் அபிராமி பட்டர் அருளிய அபிராமி அந்ததி ஆகியவை. இரண்டுமே, 100 பாடல்கள் கொண்டது. இதில் ஒவ்வொரு பாடலுக்கும் ஒரு  பலன் உண்டு. தினமும், ஒரு பாடலை மட்டும் பாராயணம் செய்துவந்தால், அதற்கான பலனை நாம் அடைய முடியும்.

அபிராமி அந்தாதியை அருளிய அபிராமி பட்டர் அன்றைய சோழநாட்டுப்பகுதியான திருகடவூரில் வாழ்ந்து வந்தார். (அன்னை அபிராமி இருக்கும் இடம்) அவர் எப்பொழுது அன்னை அபிராமி எண்ணி யோக நிலையில் இருப்பது வழக்கம். உலகம் அவரைப்பற்றி பேசுவதைப்பற்றி கவலைப்படாமல் இருந்தார். 

அப்பொழுது சோழநாட்டை ஆண்ட இரண்டாம் சரபோஜி ராவ் போன்ஸ்லே மன்னர், அபிராமியை  தரிசிப்பதற்கு சென்றார். அப்பொழுதும் அபிராமி பட்டர், மன்னரின் வருகையைப்பற்றி உணராமல், அன்னை அபிராமியின் ஒளிமிகுந்த முகத்தை பற்றி எண்ணி யோக நிலையிலேயே இருந்தார். 
அப்பொழுது மன்னர் மிகுந்த மரியாதையுடன் அவரை அணுகி இன்று என்ன திதி என்று கேட்டார். அப்பொழுது அபிராமி பட்டர் உண்மையான நாளான அமாவாசையை உணராமல் பவுர்ணமி என்று சொல்ல, அனைவரும் அபிராமி பட்டரைப் பார்த்து சிரித்தனர்.

சரபோஜி மன்னர் கோபம்கொண்டு அபிராமி பட்டரை சொன்னது போல் அவரது வார்த்தைப் பொய்த்தால் அபிராமி பட்டரை உயிரோடு எரிக்குமாறு கூற, அதற்கான தளம் ஏற்பாடு செய்து கீழே நெருப்பு எரியூட்டப்பட்டது. அபிராமி பட்டர் தன் தவறை உணர்ந்தவராக, பழியை அன்னை அபிராமியின் மீதே போட்டார். .அவர் அன்னை அபிராமியைப்பற்றி நூறு சுலோகங்களை மிக அருமையாகப் பாடத் தொடங்கினார்.

அந்தப்பாடல்கள் தமிழ் இலக்கியத்தில் அந்தாதி என்றப்பெயரில் வந்தன, அந்தாதி என்றால் அடுத்தப்பாடல், முதல் பாடல் எந்த வார்த்தையில் முடிந்ததோ அதே வார்த்தையில் தொடங்க வேண்டும். அபிராமி பட்டருக்கு இருந்த திறமையையும், கடவுளின் அருளால் இந்த அருமையான நூறு பாடல்களை ஒரே இரவில் பாடியதையும். பாராட்டியே ஆகவேண்டும். 

அபிராமி அந்தாதியில் இன்னொரு தனித்துவம் என்னவென்றால் அதற்கு முடிவும் இல்லை ஆரம்பமும் இல்லை. முதல் வரி 'உதிக்கின்ற செங்கதிர் உச்சி திலகம்..... ' என்று தொடங்க 100வது பாடல் ' உதிக்கின்றனவே ' என்று முடிகிறது.

அபிராமி பட்டர் 79வது பாடலை பாடிக்கொண்டிருக்கையில் 'விழிக்கே அருளுண்டு வேதம் சொன்ன..... ' அன்னை அபிரமி அவரது பக்தியால் இன்புற்று அவர் முன்னே தோன்றி தனது காதணியை ஆகாயத்தில் வீச அது வான் முழுவதும் முழு பெளர்ணமியைப் போல பிரகாசித்து ஜொலித்து. 

அனைவரும் அன்னையை வணங்கி அன்னையின் மகத்தான சக்தி கண்டு வியந்தனர். மன்னர் அபிராமி பட்டரிடம் மன்னிப்பு கோரினார். அப்படிப்பட்ட அபிராமி அந்தாதியை, நவராத்திரி நாளில் பாராயணம் செய்வது சிறப்பு. 100 பாடலை பாராயணம் செய்ய முடியாதவர்கள், குறிப்பிட்ட பாடல்களையாவது கட்டாயம் பாராயணம் செய்ய வேண்டும். அம்பிக்கையின் பரிபூரண அருள் நமக்கு கிட்டும். 

newstm.in

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close