தேசியக் குயில் 'டி.கே.பட்டம்மாள்' பற்றிய சிறப்பு தொகுப்பு

  Sujatha   | Last Modified : 28 Mar, 2018 07:32 am


# தேசியக் குயில் என போற்றப்பட்ட பிரபல கர்நாடக இசைப்பாடகி தாமல் கிருஷ்ணசாமி பட்டம்மாள் 1919ஆம் ஆண்டு மார்ச் 28ஆம் தேதி காஞ்சிபுரத்தை அடுத்த தாமல் என்ற ஊரில் பிறந்தார். இவருடைய இயற்பெயர் அலமேலு.

# இவர் நான்கு வயது முதல் பாடத் தொடங்கினார். இவருடைய தந்தை இவரை மேடையேற்ற தயங்கினார். பட்டம்மாளின் பள்ளி தலைமை ஆசிரியர் இவரது திறனை உணர்ந்து தந்தையின் அனுமதியை பெற்றுத் தந்தார்.

# காந்திஜி காஞ்சிபுரம் வந்தபோது அவரிடம் பாரதியார் பாடலைப் பாடி பாராட்டு பெற்றார். முதன்முறையாக வானொலியில் 1929-ல் பாடினார். இவருடைய முதல் கச்சேரி 1932-ல் எழும்பூர் மகளிர் மன்றத்தில் அரங்கேறியது.

# நாடு விடுதலை அடைந்த இரவு முழுவதும் விடுதலை விடுதலை, ஆடுவோமே பள்ளு பாடுவோமே போன்ற தேசபக்திப் பாடல்களை அகில இந்திய வானொலியில் பாடினார். ஆனால், அதற்கு ஊதியம் பெற மறுத்துவிட்டார். காந்தியடிகள் மறைந்தபோதும் வானொலியில் பாடியவர் ஊதியம் வாங்க மறுத்துவிட்டார். 

# முத்துஸ்வாமி தீட்சிதரின் பாடல்களைப் பாடுவதில் இவர் சிறந்து விளங்கினார். பாபநாசம் சிவன் இவரை திரையுலகுக்கு அறிமுகம் செய்தார். தியாக பூமி (1939) படத்தில் முதன்முதலாக தேச சேவை செய்ய வாரீர் என்ற பாடலை பாடினார்.

# பத்ம விபூஷண், பத்மபூஷண், கலைமாமணி, சங்கீத கலாநிதி, சங்கீத நாடக அகாடமி, இசைப் பேரறிஞர், சங்கீத கலாசிகாமணி, காளிதாஸ் சம்மன் என பல்வேறு விருதுகளைப் பெற்றுள்ளார். இவர் தன்னுடைய 90வது வயதில் (2009) மறைந்தார். 

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.