உடல் பருமனை குறைக்க உதவுமா சப்ஜா விதைகள்?

  கண்மணி   | Last Modified : 30 Apr, 2019 12:54 pm
sabja-basil-seeds-for-weight-loss

திருநீற்று பச்சிலை என சொல்லக்கூடிய மூலிகை செடியின் விதைதான் இந்த ச‌ப்ஜா விதைகள், இந்த விதைகளை நீரில் ஊறவைத்து பின்னர் உட்கொள்ள வேண்டும். இந்த விதையை உட்கொள்வதினால் உடல் பருமன் குறையுமா என்கிற கேள்விக்கு பதில் அளிக்கும் விதமாக அமெரிக்க ஊட்டச்சத்து நிபுணர்கள் மேற்கொண்டுள்ள ஆய்வின் படி சப்ஜா விதைகளில் உள்ள ஆரோக்ய நன்மைகளைப் பற்றி பார்க்கலாம்.

சப்ஜா விதைகளை சாப்பிடுவதானல் நீண்ட நேரம் பசி உணர்வின்றி இருக்க முடியும். இதனால் அடிக்கடி நொறுக்குத்தீணிகளை சாப்பிடுவதனால் உண்டாகும் உடல் பருமனை கட்டுக்குள் வைக்க இயலும்.
சப்ஜா விதைகளில் ஒமேகா3 அமிலம் அதிக அளவில் இருப்பதால் உடலுக்கு தேவையான மெட்டபாலிச அளவை அதிகரித்து, உடலில் சேர்ந்துள்ள கொழுப்புகளை கரைக்க உதவுகிறது.

மிககுறைந்த எரிசக்திகளை கொண்டது சப்ஜா விதைகள், ஒரு ஸ்பூன் சப்ஜாவிதைகளில் வெறும் இரண்டிலிருந்து நான்கு சதவிகித எரிசக்திகள் மட்டுமே உள்ளன .ஆகையால் இந்த விதைகளை எடுத்துக்கொள்ளும் பொழுது உடல் எடை குறைவதற்கான வாய்ப்புக்கள் அதிகரிக்கின்றன.

இந்த விதைகளில் மினரல்ஸ், சுண்ணம்பு சத்து, பாஸ்பரஸ், மெக்னிசியம், வைட்டமின் ஏ, பி, இ, கே ஆகிய சத்துக்களை கொண்டுள்ளது. முக்கியமாக இதில் உள்ள வைட்டமின் கே, உடல் எடையை சமமாக பராமரிப்பதற்கு மிக முக்கிய சத்தாக கருதப்படுகிறது.

உடல் எடையை குறைக்க சப்ஜா விதைகளை எப்படி சாப்பிடலாம்?

இரண்டு டேபிள் ஸ்பூன் சப்ஜா விதைகளை வெதுவெதுப்பான நீரில்15 நிமிடங்கள் ஊற வைக்க வேண்டும். நீரில் போட்டவுடன் சப்ஜா விதைகள் உரு மாற்றத்தை அடையும். பின்னர் உங்களுக்கு பிடித்தமான வகையில், சாலட், சூப், எலுமிச்சை ஜூஸ் என எதில் வேண்டுமானாலும் கலந்து சாப்பிடலாம்.

யாரெல்லாம் சப்ஜா விதைகளை சாப்பிடக் கூடாது?

சப்ஜா விதைகள் நீரில் முழுமையாக கரையாது என்பதனால் குழந்தைகளுக்கு கொடுப்பதை தவிர்க்க வேண்டும். இது சிறு குழந்தைகளின் தொண்டையில் அடைத்துக்கொள்ளும் வாய்ப்பு அதிகம்.

கர்ப்ப காலத்தில் பெண்கள் சப்ஜா விதைகள் சாப்பிடுவதை தவிர்க்க வேண்டும், ஏனென்றால் இந்த விதைகள்  பெண்களின் வளர்சிதை மாற்றத்திற்கு காரணமான ஈத்திரோசன் அளவை குறைக்கும் தன்மை கொண்டவை. எனவே கர்ப்ப காலத்தில் சப்ஜா விதைகளை சாப்பிடாமலிருப்பது நல்லது.

உடலில் வேறு ஏதேனும் உபாதைகள் அல்லது நோய்க்கு மருந்து சாப்பிட்டு வரும் நபர்கள் கண்டிப்பாக மருத்துவரின் ஆலோசனைக்கு பின்னரே, சப்ஜா விதைகளை எடுத்துக்கொள்ள வேண்டும்.

newstm.in


 

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close