புலம்பெயர்ந்த துனிசியர்கள் படகு மூழ்கியது; 50 பேர் பலி

  Padmapriya   | Last Modified : 04 Jun, 2018 12:54 pm

over-50-migrants-dead-68-rescued-in-mediterranean-crossings-hunt-for-survivors-continue

மத்திய தரைக்கடல் பகுதியில் புலம்பெயர்ந்த துனிசியர்கள் பயணித்தப் படகு மூழ்கியதில் 50 பேர் மூழ்கி பலியாகினர். இதுவரை 68 பேர் மீட்கப்பட்டுள்ளனர். 

துனிசியா உள்ளிட்ட நாடுகளில் இருந்து பொதுமக்கள் ஐரோப்பிய நாடுகளுக்கு படகுகளில் சட்டவிரோத முறையில் புலம்பெயர்வது வழக்கம். ஆபத்தான மத்திய தரை கடல் பகுதியை இவர்கள் பெரும்பாலும் பயன்படுத்தி வந்தனர்.  இவர்களது படகுகள் அடிக்கடி விபத்துகளில் சிக்கி கவிழ்வது வாடிக்கையாக உள்ளது. 

இந்த நிலையில், 30 அடி நீள படகு ஒன்றில் 180க்கும் மேற்பட்டோர் ஐரோப்பிய நாடுகளுக்கு செல்வதற்காக மத்திய தரைக்கடல் வழியே பயணம் செய்துள்ளனர்.  படகிற்குள் திடீரென நீர் கசிந்து உட்புகுந்ததில் படகு கடலில் மூழ்கியது.

இதுபற்றிய தகவல் கிடைத்து கடலோர படை மற்றும் கப்பற்படையினர் மீட்பு பணிகளில் ஈடுபட்டனர்.  இந்த சம்பவத்தில் 50 பேர் வரை பலியாகினர்.  68 பேர் உயிருடன் மீட்கப்பட்டு உள்ளனர்.

துனிசிய நாட்டின் தென்கடலோர பகுதியில் இருந்து இதுவரை 47 உடல்கள் மீட்கப்பட்டு உள்ளன.  ராணுவ விமானம் உதவியுடன் மீட்புப்பணி தொடர்ந்து நடைபெற்று வருகிறது.

ஏற்கனவே கடந்த பிப்ரவரியில் புலம்பெயர்ந்து சென்றவர்களின் படகு மத்திய தரைக்கடல் பகுதியில் விபத்துக்குள்ளாகியதில் 90 பேர் பலியாகினர்.

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.