30 ஆண்டுகளுக்கு பிறகு ராஜினாமா செய்தார் கஜகஸ்தான் அதிபர்

  Newstm Desk   | Last Modified : 20 Mar, 2019 08:30 am
kazakhstan-president-resigns-after-30-years-in-power

கடந்த 30 ஆண்டுகளாக கஜகஸ்தான் நாட்டின் அதிபராக செயல்பட்டு வந்த நுர்சுல்தான் நசர்பயேவ் தனது பதவியை திடீரென ராஜினாமா செய்துள்ளார். புதிய தலைவர்களுக்கு வழிவகுப்பதற்காகவே தான் விலகுவதாகவும் அவர் தெரிவித்துள்ளார்.

எண்ணெய் வளம் மிகுந்த கஜகஸ்தான் நாட்டின் அதிபராக கடந்த 30 ஆண்டுகளாக செயல்பட்டு வந்தவர் நசர்பயேவ். சோவியத் யூனியன் காலத்திலிருந்தே அதிபராக செயல்பட்டு வந்த இவர், அந்நாட்டு மக்களால் 'தந்தை' என அன்போடு அழைக்கப்படுபவர். அவரது கீழ் கஜகஸ்தானில் பல்வேறு மாற்றங்கள் கொண்டுவரப்பட்டன. சமீபகாலத்தில் புதிய நலத்திட்டங்கள் மற்றும் அரசியல் மாற்றங்களுக்கான  நடவடிக்கைகள் எடுத்து வந்தார் நசர்பயேவ். இந்த நிலையில், திடீரென தனது பதவியை அவர் ராஜினாமா செய்துள்ளார்.

 புதிய தலைவர்களுக்கும் வழிவகுத்து அரசியலிலிருந்து விலகுவதாக அவர் தெரிவித்துள்ளார். ஆனால் ரஷ்ய அதிபர் புடினுக்கு நெருக்கமான இவர், 2020ல் தனது பதவிக் காலம் முடியும் வரை தனக்கு வேண்டிய ஒருவரை அதிபராக இருக்க வைத்து, முக்கிய பொறுப்புகளை தொடர்ந்து தன்வசம் வைத்துக் கொள்வார் என்றும் கூறப்படுகிறது.

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close