• வியட்நாம், ஆஸ்திரேலியாவுக்கு குடியரசுத் தலைவர் அரசுமுறைப் பயணம்
  • ஜனவரி பேரணி ஓர் திருப்புமுனை: மம்தா பானர்ஜி
  • தேனி, திருவாரூரில் இன்றும் பள்ளிகளுக்கு விடுமுறை
  • இன்று முதல் வழக்கம் போல் ரயில்கள் இயங்கும்: தெற்கு ரயில்வே
  • அரையிறுதியில் தமிழக ரோல்பால் அணிகள்

கேப்பாபுலவில் மக்களுக்குச் சொந்தமான நிலங்கள் விடுவிப்பு!

  Shanthini   | Last Modified : 28 Dec, 2017 09:50 pm


முல்லைத்தீவு மாவட்டம், கேப்பாபுலவில் ராணுவம் ஆக்கிரமித்திருந்த 133 ஏக்கர் நிலம் மக்களிடம் திருப்பி அளிக்கப்பட்டுள்ளது என்று ராணுவ செய்தி தொடர்பாளர் பிரிகேடியர் சுமித் அட்டபட்டு தெரிவித்துள்ளார்.


கேப்பாப்புலவில் மக்களுக்குச் சொந்தமான நிலங்களை விடுவிக்க நடவடிக்கை எடுக்குமாறு கடந்த 300 நாட்களுக்கு மேலாக மக்களால் போராட்டம் முன்னெடுக்கப்பட்டு வருகின்றது. போர் முடிவுற்ற பின், மீள்குடியேற்றத்துறை அமைச்சகத்தினால் பொது மக்களின் நிலங்கள் விடுவிக்கப்பட்டு வருகின்றது. ஆனாலும் இன்னும் நூற்றுக்கணக்கான மக்களின் நிலங்களை ராணுவமே ஆக்கிரமித்து வைத்துள்ளது. இதனால் வாழ்வாதாரம் உள்ளிட்ட அடிப்படை வசதிகளை மக்கள் இழந்துள்ளனர்.


கேப்பாப்புலவில் மக்களின் நிலங்களை விடுவிப்பது குறித்து பல கட்டப்பேச்சுவார்த்தைகள் ராணுவத்துடன் இடம்பெற்றது. இதில் தமக்கான மாற்று இடங்கள் அமைப்பதற்கு நிதி வழங்கப்பட்டதும் இந்த நிலங்களில் இருந்து வெளியேறுவதாக ராணுவம் அறிவித்தது.

இந்நிலையில் 85 குடும்பங்களுக்குச் சொந்தமான நிலங்கள் ராணுவத்தினரினால் விடுவிக்கப்பட்டுள்ளது என்று பிரிகேடியர் சுமித் அட்டபட்டு தெரிவித்துள்ளார்.

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.