பேஸ்புக் தகவல் திருட்டு: மூடப்படுகிறது கேம்பிரிட்ஜ் அனலிடிகா!

  Newstm Desk   | Last Modified : 03 May, 2018 03:04 pm

 

கடந்த 2016ம் ஆண்டு நடந்த அமெரிக்க அதிபர் தேர்தலில் அந்நாட்டை சேர்ந்த 8 கோடிக்கும் மேலான பேஸ்புக் பயனாளர்களின் தனிப்பட்ட தகவல்கள் தவறாக பயன்படுத்தப்பட்டதாக சர்ச்சை எழுந்தது. தேர்தல் முடிவையே இது மாற்றியுள்ளது என்றும் கூறப்படுகிறது.

இதில் டொனால்ட் ட்ரம்ப் ஆதரவாளர்களுக்காக பிரிட்டனை சேர்ந்த கேம்பிரிட்ஜ் அனலிடிகா நிறுவனம் பேஸ்புக் பயன்படுத்துபவர்கள் பற்றி தகவல்களைத் திருடியுள்ளது என்று அந்நிறுவனத்தின் முன்னாள் ஊழியர் ஒருவர் அம்பலப்படுத்தினார்.

இந்த விவகாரம் பூதாகரமாக வெடித்தது. இதற்காக பேஸ்புக் நிறுவனம் பகிரங்க மன்னிப்பு கேட்டது. இந்நிலையில் இந்த விவகாரத்தில் குற்றம் சாட்டப்பட்டுள்ள பிரிட்டன் மற்றும் அமெரிக்காவில் செயல்பட்டு வந்த 2 கேம்பிரிட்ஜ் அனலிடிகா நிறுவனம் மூடப்படுவதாக தகவல் வெளியாகியுள்ளது. 

பேஸ்புக்கில் இருந்து தகவல்கள் திருடிய வழக்கில் உரிய கட்டணம் செலுத்த முடியாததாலும், அந்நிறுவனத்தில் வாடிக்கையாளர்கள் குறைந்துவிட்டதாலும் கேம்பிரிட்ஜ் அனலிடிகா திவாலாகி உள்ளது. இதனையடுத்து போதிய நிதி இன்றி நிறுவனத்தை நடத்த முடியாது என்பதால் அந்நிறுவனம் மூடப்படுவதாக கூறப்படுகிறது. 

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close