ரஷ்யாவில் உளவு பார்த்ததாக அமெரிக்கர் கைது!

  Newstm Desk   | Last Modified : 01 Jan, 2019 05:53 am

us-citizen-arrested-for-spying-in-russia

ரஷ்யாவில் உளவு பார்த்ததாக அமெரிக்காவை சேர்ந்த ஒருவரை ரஷ்ய உள்நாட்டு பாதுகாப்புத்துறை கைது செய்து அவர் மீது வழக்கு தொடர்ந்துள்ளது.

ரஷ்யாவில் உளவு பார்த்ததாக, அமெரிக்காவை சேர்ந்த ஒருவரை, எஃப்.எஸ்.பி எனப்படும் ரஷ்ய உள்நாட்டு பாதுகாப்புத்துறை கடந்த 28ம் தேதி கைது செய்தது. கைது செய்யப்பட்டவர் பெயர் பால் வீலன் என ரஷ்யா தெரிவித்துள்ளது. அவர் மீது கிரிமினல் வழக்கு தொடுக்கப்பட்டுள்ளது. அவரது கைது குறித்து தங்களிடம் ரஷ்ய வெளியுறவுத் துறை தகவல் தெரிவித்துள்ளதாக, அமெரிக்க வெளியுறவுத்துறை உறுதி செய்துள்ளது. ஆனால், கைது செய்யப்பட்டவரின் பெயர் உள்ளிட்ட எந்த விவரங்களும் கூற அமெரிக்க வெளியுறவுத்துறை மறுத்துவிட்டது.

கைது செய்யப்பட்டவரை தூதரக அதிகாரிகள் மூலம் அணுக அமெரிக்கா கோரியுள்ளது. ரஷ்ய சட்டத்தின்படி, உளவு பார்ப்பதற்கு 10 முதல் 20 ஆண்டுகள் வரை சிறைத்தண்டனை வழங்கப்படும் என்பது குறிப்பிடத்தக்கது.

அமெரிக்க தேர்தலில் ஹேக்கர்கள் மூலம் குறுக்கிட்டது கூட்டு சதி செய்தது தொடர்பாக, ரஷ்யாவை சேர்ந்த பலர் மீது குற்றம் சாட்டப்பட்டுள்ள நிலையில், தற்போது அமெரிக்கர் ரஷ்யாவில் கைது செய்யப்பட்டுள்ளது இரு நாடுகளுக்கும் இடையே உள்ள உறவில் மேலும் விரிசலை ஏற்படுத்தியுள்ளது.

newstm.in

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.