சிரியாவிலிருந்து அமெரிக்கப் படைகள் வாபஸ்!

  Newstm Desk   | Last Modified : 11 Jan, 2019 12:02 pm

us-begins-withdrawing-some-military-from-syria

அமெரிக்க அதிபர் டொனால்ட் ட்ரம்ப் அறிவித்தப்படி, சிரியாவிலிருந்து  அந்த நாட்டு ராணுவம் நாடு திரும்பத் தொடங்கியுள்ளது.

சிரியாவில் ஐஎஸ் பயங்கரவாதிகள் ஒழிப்பு நடவடிக்கைகளில் அமெரிக்க ராணுவம் கூட்டு நடவடிக்கைகளில் ஈடுபட்டு வந்தது.  இந்நிலையில் அமெரிக்கப் படைகள் மேலும் நான்கு மாதங்களுக்கு சிரியாவில் தங்கி இருந்து தீவிரவாத ஒழிப்பு நடவடிக்கைகளில் ஈடுபடவேண்டும் என்ற கூட்டுப்படை நாடுகளின் கோரிக்கையை அதிபர் ட்ரம்ப் அண்மையில் நிராகரித்திருந்தார்.

அத்துடன் சிரியாவில் தங்கியிருக்கும் அமெரிக்கப் படை அணி விரைவில் நாடு திரும்பும் என்றும் அவர் அறிவித்திருந்தார். இந்நிலையில் அதிபர் ட்ரம்ப் அறிவித்திருந்தபடி,  அமெரிக்கப் படைகள் சிரியாவிலிருந்து நாடு திரும்ப தொடங்கியுள்ளன.

இதனிடையே, அமெரிக்க பாதுகாப்புத் துறை ஆலோசகர் ஜான் போல்டன் கூறும்போது, " சிரியாவில் கடைசி ஐஎஸ் பயங்கரவாதி இருக்கும் வரை, அமெரிக்கப் படைகளை திரும்பப் பெறும் பேச்சுக்கே இடமில்லை" எனத் தெரிவித்துள்ளார்.

தற்போது 2,000-க்கும் மேற்பட்ட அமெரிக்க ராணுவத்தினர் சிரியாவில் முகாமிட்டுள்ளனர்.

newstm.in

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.