காவிரி விவகாரத்தில் 2 வார கால அவகாசம் கோரிய மத்திய அரசின் மனு வாபஸ்

  Newstm Desk   | Last Modified : 27 Apr, 2018 10:30 pm


காவிரி விவகாரத்தில், மேலாண்மை வாரியம் அமைப்பது தொடர்பான வரைவுத் திட்டத்தை உச்ச நீதிமன்றத்திடம் தாக்கல் செய்ய 2 வார காலம் கோரிய மனுவை மத்திய அரசு வாபஸ் பெற்றுள்ளது.

காவிரி மேலாண்மை வாரியம் அமைக்க மத்திய அரசுக்கு காலக்கெடு விதிக்கப்பட்ட நிலையில், அந்த கேடு முடியும் போது, தீர்ப்பில் குறிப்பிடப்பட்டுள்ள ஸ்கீம் குறித்து மத்திய அரசு விளக்கம் கேட்டது. இந்த விவகாரத்தில் மத்திய அரசின் மீது நீதிமன்ற அவமதிப்பு வழக்கை தமிழக அரசு தொடுத்தது. 

அதன்பின், மே மாதம் 3ம் தேதிக்குள் நதிநீர் பங்கீட்டுத் திட்டத்தின் வரைவை தாக்கல் செய்ய மத்திய அரசுக்கு உச்ச நீதிமன்றம் உத்தரவிட்டிருந்தது. கெடு நெருங்கி வரும் நிலையில், மேலும் 2 வாரம் கால அவகாசம் கோரி மனு தாக்கல் செய்தது மத்திய அரசு. தற்போது அந்த மனுவை திரும்பப்பெற்றுள்ளது. மத்திய தலைமை வழக்கறிஞரின் ஆலோசனையின் பேரில் இந்த மனுவை வாபஸ் பெற்றுள்ளதாக தெரிய வந்துள்ளது. 

குரு பெயர்ச்சி பலன்கள் 2018 - 19 பெற உங்கள் மின்னஞ்சல் முகவரியை பதிவு செய்யவும்

எங்களை பின் தொடர

Advertisement:
[X] Close