• குட்கா ஊழல் விவகாரத்தில் சென்னை, காஞ்சிபுரத்தில் சிபிஐ ரெய்டு
  • ஆர்.கே.நகர் தேர்தல் மோசடி; எஃப்.ஐ.ஆரில் அமைச்சர் விஜயபாஸ்கர் பெயர் எங்கே? - உயர்நீதிமன்றம் கேள்வி
  • மதுரை எய்ம்ஸ் மருத்துவமனைக்கு மத்திய அமைச்சரவை ஒப்புதல்
  • திருச்சி முக்கொம்பில் புதிய அணை கட்டுவதற்கான அரசாணை வெளியீடு
  • மத்திய பிரதேசத்தில் விவசாய கடன் தள்ளுபடி!

நிலக்கரி ஊழல் – முன்னாள் அதிகாரி உள்பட 4 பேர் குற்றவாளி

  Newstm Desk   | Last Modified : 30 Nov, 2018 01:42 pm

coal-scam-ex-officer-and-four-others-convicted

மேற்கு வங்க மாநிலத்தில் நிலக்கரிச் சுரங்கம் ஒதுக்கீடு செய்யப்பட்டதில் ஊழல் நடைபெற்றது தொடர்பாக, நிலக்கரிச் சுரங்கத் துறையின் முன்னாள் செயலாளர் ஹெச்.சி.குப்தா உள்பட 5 பேரை குற்றவாளி என அறிவித்து டெல்லி நீதிமன்றம் தீர்ப்பளித்துள்ளது.

இதுதொடர்பான வழக்கில், சிபிஐ சிறப்பு நீதிமன்ற நீதிபதி பரத் பராஷர் இன்று தீர்ப்பளித்தார். ஹெ.சி.குப்தா, நிலக்கரித்துறையின் முன்னாள் இணைச் செயலாளர் கே.எஸ்.குரோபா, நிலக்கரி அமைச்சகத்தில் இயக்குநராகப் பணியாற்றிய கே.சி.சம்ரியா, மற்றும் விகாஸ் மிட்டல்ஸ் அண்ட் பவர்ஸ் என்ற தனியார் நிறுவனத்தின் அதிகாரிகள் இருவரை குற்றவாளிகள் என நீதிபதி அறிவித்தார்.

குற்றவாளிகள் ஐந்து பேரையும் நீதிமன்றக் காவலில் அடைக்குமாறு காவல்துறையினருக்கு நீதிபதி உத்தரவிட்டார். அவர்களுக்கான தண்டனை விபரம், வரும் 3ம் தேதி அறிவிக்கப்படும் என்றும் அவர் தெரிவித்தார்.    

மேற்கு வங்க மாநிலம், மொய்ரா, மதுஜோரே ஆகிய இடங்களில் மேற்குறிப்பிட்ட அதிகாரிகளின் துணையுடன், நிலக்கரிச் சுரங்கங்களை விகாஸ் மிட்டல்ஸ் நிறுவனம் முறைகேடான வழிகளில் பெற்றுக் கொண்டதாக குற்றம்சாட்டப்பட்டிருந்தது. இதுதொடர்பாக கடந்த 2012ம் ஆண்டில் இருந்து சிபிஐ விசாரணை நடத்தி வந்த நிலையில் தற்போது தீர்ப்பு வெளியாகியுள்ளது.

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.