கர்நாடக காங்கிரஸ் எம்.எல்.ஏ கார் விபத்தில் பலி

  Newstm Desk   | Last Modified : 28 May, 2018 09:21 am

கர்நாடகாவில் நடந்த கார் விபத்தில் சிக்கி அம்மாநில காங்கிரஸ் எம்.எல்.ஏ. சித்துநைமா கவுடா பரிதாபமாக பலியானார்.

கர்நாடக மாநிலம் ஜாம்கண்டி தொகுதியில் இருந்து காங்கிரஸ் கட்சி சார்பில் போட்டியிட்டு வெற்றி பெற்று எம்.எல்.ஏ. ஆனவர் சித்துநைமா கவுடா. 

இவர் கோவாவிலிருந்து பாகல்கோட்டிற்கு காரில் பயணம் செய்து கொண்டிருந்தார். அப்போது இவர் பயணம் செய்த கார் விபத்துக்குள்ளானது. 

இதில் படுகாயம் அடைந்த கவுடா மருத்துவமனைக்கு கொண்டு செல்லப்பட்டார். மருத்துவமனையில் அவரைப் பரிசோதித்த மருத்துவர்கள் வரும் வழியிலேயே மரணமடைந்துவிட்டதாக தெரிவித்தனர்.

மரணமடைந்த எம்.எல்.ஏ. சித்துநைமா கவுடாவின் இறுதிச் சடங்குகள் இன்று நடக்கும் என்று எதிர்பார்க்கப்படுகிறது.

நடந்து முடிந்த சட்டமன்ற தேர்தலில் ஜாம்கண்டி தொகுதியில் சித்துநைமா கவுடா பாஜகவின் ஸ்ரீகாந்த்குல்கர்ணியை எதிர்த்து போட்டியிட்டு வெற்றி பெற்றிருந்தார். சித்துநைமா கவுடா 49,245 வாக்குகளும் குல்கர்ணி 46,450 வாக்குகளும் பெற்றிருந்தனர்.

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.