உத்தரகாண்ட்: பள்ளத்தாக்கில் பேருந்து விழுந்து 48 பேர் பலி

  Newstm News Desk   | Last Modified : 01 Jul, 2018 06:00 pm

uttarakhand-48-dead-as-bus-falls-into-a-gorge

உத்தரகாண்ட் மாநிலத்தின் பவுரி பகுதியில் ஒரு தனியார் பேருந்து பள்ளத்தாக்கில் விழுந்து விபத்துக்குள்ளானதில் 48 பேர் கொல்லப்பட்டுள்ளனர்.

உத்தரகாண்டின் பவுரி மாவட்டத்தை சேர்ந்த ஒரு தனியார் பேருந்து ராம்நகருக்கு சென்று கொண்டிருந்த போது, திடீரென கட்டுப்பாட்டை இழந்து, சுமார் 200 மீட்டர் ஆழம் கொண்ட பள்ளத்தாக்கில் விழுந்து விபத்துக்குள்ளானது. பேருந்தில் அளவுக்கு அதிகமாக பயணிகளை ஏற்றிக் கொண்டு சென்றதால் இந்த விபத்து ஏற்பட்டதாக கூறப்படுகிறது. காவல்துறை அதிகாரிகள் அந்த பகுதிக்கு உடனடியாக விரைந்தனர். 

சம்பவ இடத்திலேயே 45 பேர் உயிரிழந்தனர். மருத்துவமனையில் அனுமதிக்கப்பட்டவர்களில் 3 பேர் பின்னர் இறந்தனர். மற்றவர்களுக்கு தீவிர சிகிச்சை அளிக்கப்பட்டு வருகிறது.

 இந்த சம்பவத்தின் செய்தி கேட்டு, தான் மிகுந்த சோகத்தில் ஆழ்ந்துள்ளதாக பிரதமர் நரேந்திர மோடி இரங்கல் தெரிவித்துள்ளார். இறந்தவர்கள் குடும்பங்களுக்கு 2 லட்ச ரூபாய் இழப்பீடு வழங்க உத்தரகாண்ட் அரசு உத்தரவிட்டுள்ளது.

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.