ராணுவப் பயிற்சியில் ஈடுபட்டுள்ள தோனி!

  Newstm Desk   | Last Modified : 25 Jul, 2019 01:21 pm
army-says-ms-dhoni-to-serve-in-kashmir-will-perform-patrolling-and-guard-duty

இந்திய கிரிக்கெட் அணியின் முன்னாள் கேப்டன் தோனி, வருகிற 31ம் தேதி முதல் காஷ்மீரில் ராணுவக்குழுவுடன் இணைந்து ரோந்து பணியில் ஈடுபடவுள்ளதாக தகவல் வெளியாகியுள்ளது. 

இந்திய கிரிக்கெட் அணியின் 'கூல் கேப்டன்' என்று செல்லமாக அழைக்கப்படும் மகேந்திர சிங் தோனி கிரிக்கெட் வரலாற்றில் பல்வேறு சாதனைகளுக்கு சொந்தக்காரர். இவர் ராணுவத்தில் கவுரவ லெப்டினன்ட் கர்னலாகவும் பதவி வகித்து வருகிறார். 

உலகக்கோப்பை கிரிக்கெட் போட்டிற்கு பின்னர் அவர் ஓய்வு பெறுவதாக தகவல்கள் வெளியாகின. ஆனால் தோனி அதிகாரபூர்வமாக ஓய்வு குறித்து இதுவரை எந்த அறிவிப்பையும்  வெளியிடவில்லை.

ராணுவத்தில் கவுரவ லெப்டினன்ட் கர்னலாக உள்ள கிரிக்கெட் வீரர் தோனி ராணுவத்தில் பயிற்சி பெற அனுமதி கேட்டிருந்த நிலையில், ராணுவத்தளபதி  பிபின் ராவத் அனுமதி வழங்கியுள்ளார். 

இதையடுத்து நேற்று முதல் அவர் ராணுவ பாராசூட் ரெஜிமெண்டில் தனது பயிற்சியை தொடங்கியுள்ளார். மேலும், வரும் 31ம் தேதி முதல் ஆகஸ்ட் 15ம் தேதி வரை காஷ்மீரில் ராணுவக்குழுவுடன் ரோந்து பணியில் ஈடுபடவுள்ளார் என தகவல் வெளியாகியுள்ளது. 

newstm.in

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close