• தண்ணீர் தட்டுப்பாடு காரணமாக சென்னையில் பிரபல வணிக வளாகம் மூடல்
  • காஷ்மீரில் 3 பயங்கரவாதிகள் சுட்டுக்கொலை!
  • பெட்ரோல், டீசல் விலையில் மத்திய அரசு தலையிடாது - அமைச்சர் தர்மேந்திர பிரதான்
  • சபரிமலை கோவில் நடை இன்று திறப்பு!
  • ஒரு மணி நேரம் முடங்கிய யூ டியூப் இணையதளம்!

மோடி, அமித்ஷா இந்துக்களே அல்ல- பிரகாஷ்ராஜ் சரவெடி!

  முத்துமாரி   | Last Modified : 18 Jan, 2018 07:32 pm


'பிரதமர் மோடியும் பா.ஜ.க தலைவர் அமித் ஷாவும் இந்துக்களே அல்ல' என நடிகர் பிரகாஷ் ராஜ் பேசியுள்ளது சர்ச்சையை ஏற்படுத்தியுள்ளது.

நடிகர் பிரகாஷ்ராஜ் தற்போது ஆளும் பா.ஜ.கவுக்கு எதிராக பல்வேறு கருத்துக்களை கூறி வருகிறார். கௌரி லங்கேஷ் கொலை, மாட்டிறைச்சி தடை, பசுப்பாதுகாவலர்கள் தாக்குதல் என பெரும்பாலாக பா.ஜ.க சம்மந்தப்பட்ட அனைத்து விஷயங்கள் குறித்தும் விமர்சித்து வருகிறார். 

சமீபத்தில் கர்நாடக மாநிலம் சிர்சி நகரில் நடந்த நிகழ்ச்சி ஒன்றில் பேசிய பிரகாஷ் ராஜ், மத்திய அமைச்சர் அனந்த் குமார் ஹெக்டேவை விமர்சித்து பேசினார். அதற்கு பா.ஜ.கவினர் கடும் எதிர்ப்பு தெரிவித்ததோடு, பிரகாஷ்ராஜ் நின்று பேசிய மேடையை பசுவின் கோமியத்தால் கழுவி சுத்தம் செய்து தங்களது எதிர்ப்பை பதிவு செய்தனர். இதற்கு பிரகாஷ் ராஜும், 'நான் செல்லும் இடமெல்லாம் இதுபோன்று சுத்தம் செய்வீர்களா?" என கேட்டார். இந்த பிரச்னையே முடிவுக்கு வராத சமயத்தில் மீண்டும் ஒரு சர்ச்சை கிளம்பியுள்ளது.  

இந்த நிலையில்  இந்தியா டுடே நிகழ்ச்சியில் கலந்து கொண்டு பேசிய நடிகர் பிரகாஷ்ராஜ், "இந்துக்கள் யார் என்பதை பா.ஜ.க முடிவு செய்ய முடியாது. பிரதமர் மோடியும் பா.ஜ.க தேசிய தலைவர் அமித் ஷாவும் இந்துக்களே கிடையாது. நான் பிரதமர் மோடிக்கும் அமித் ஷாவுக்கும், ஹெக்டேவுக்கும் எதிரானவனே தவிர இந்துக்களுக்கு எதிரானவன் அல்ல" என பேசியுள்ளார். 

குரு பெயர்ச்சி பலன்கள் 2018 - 19 பெற உங்கள் மின்னஞ்சல் முகவரியை பதிவு செய்யவும்

எங்களை பின் தொடர

Advertisement:
[X] Close