அடுத்த 5 ஆண்டுகளுக்கு எடியூரப்பா தான் முதல்வர்: சதானந்த கவுடா

  Newstm Desk   | Last Modified : 19 May, 2018 10:42 am


அடுத்த 5 ஆண்டுகளுக்கு எடியூரப்பா தான் கர்நாடகாவின் முதல்வராக இருப்பார் என பா.ஜ.க மூத்த தலைவர் சதானந்த கவுடா தெரிவித்துள்ளார். 

பரபரப்பான அரசியல் சூழ்நிலையில், கர்நாடக சட்டப்பேரவையில் இன்று நம்பிக்கை வாக்கெடுப்பு நடைபெறுகிறது. இன்று மாலை 4 மணிக்கு நடைபெறும் இந்த நம்பிக்கை வாக்கெடுப்பில் பா.ஜ.கவின் எடியூரப்பா தனது பெரும்பான்மையை நிரூபிப்பாரா என்பது தான் பெரிய எதிர்பார்ப்பாக உள்ளது. "100 சதவீதம் கண்டிப்பாக பெரும்பான்மையை நிரூபிப்பேன். இன்று மாலை 5 மணிக்கு பா.ஜ.க தொண்டர்கள் வெற்றியை கொண்டாடுவர். கர்நாடக மக்களுக்கு நான் அளித்த வாக்குறுதிகள் பற்றிய அனைத்து முடிவுகளும் நாளை எடுக்கப்படும்" என எடியூரப்பா உறுதியாக தெரிவித்துள்ளார்.

தொடர்ந்து பா.ஜ.க மூத்த தலைவர் சதானந்த கவுடா கூறுகையில், "இந்த நம்பிக்கை வாக்கெடுப்பில் பா.ஜ.க வெற்றி பெறுவது உறுதி. அடுத்த 5 ஆண்டுகளுக்கு எடியூரப்பா தான் கர்நாடகாவின் முதல்வராக இருப்பார். இன்று 4.30 மணி வரை காத்திருங்கள். நம்பிக்கை வாக்கெடுப்பில் பா.ஜ.கவுக்கு வெற்றி உறுதி" என்றார். 

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.