• குட்கா ஊழல் விவகாரத்தில் சென்னை, காஞ்சிபுரத்தில் சிபிஐ ரெய்டு
  • ஆர்.கே.நகர் தேர்தல் மோசடி; எஃப்.ஐ.ஆரில் அமைச்சர் விஜயபாஸ்கர் பெயர் எங்கே? - உயர்நீதிமன்றம் கேள்வி
  • மதுரை எய்ம்ஸ் மருத்துவமனைக்கு மத்திய அமைச்சரவை ஒப்புதல்
  • திருச்சி முக்கொம்பில் புதிய அணை கட்டுவதற்கான அரசாணை வெளியீடு
  • மத்திய பிரதேசத்தில் விவசாய கடன் தள்ளுபடி!

"அலிபாபாவும், 4 திருடர்களும்’’ - காங்கிரஸ் அமைச்சர் சொன்ன புதிய கதை

  Newstm Desk   | Last Modified : 01 Dec, 2018 11:20 am

alibaba-and-four-thieves-congress-ministers-new-story

அலிபாபாவும் 40 திருடர்களும் என்ற கதை நம் அனைவருக்கும் தெரிந்திருக்கும். ஆனால், அலிபாபாவும்,4 திருடர்களும் என்ற புதிய கதையை சொல்லியிருக்கிறார் பஞ்சாப் மாநில காங்கிரஸ் அமைச்சரும், முன்னாள் கிரிக்கெட் வீரருமான நவ்ஜோத் சிங் சித்து. தெலுங்கானா மாநிலத்தில் தேர்தல் பிரசாரத்தில் ஈடுபட்ட அவர், முதல்வர் சந்திரசேகர் ராவின் குடும்பத்தினரை விமர்சிக்கும் வகையில் இவ்வாறு பேசினார்.

தெலுங்கானாவில், டி.ஆர்.எஸ். கட்சி ஆளும்கட்சியாக உள்ளது. முதல்வர் சந்திரசேகர ராவ் தவிர்த்து, அவரது மகன் ராம ராவ் அமைச்சராகவும், மகள் கவிதா எம்.பி.யாகவும் உள்ளனர். மேலும் இரண்டு உறவினர்கள் கட்சியிலும், ஆட்சியிலும் முக்கியப் பொறுப்புகளில் இருக்கின்றனர்.

இந்நிலையில், தெலுங்கானாவில் நேற்று பிரசாரம் செய்த சித்து, “அலிபாபாவும், 40 திருடர்களும் என்ற கதையை நான் கேள்விபட்டிருக்கிறேன். அது பழைய கதை. இங்கு அலிபாபாவும், நான்கு திருடர்களும் இருக்கின்றனர்’’ என்று பேசினார். பின்னர் சித்து செய்தியாளர்களிடம் பேசியபோது, பச்சோந்தியை விடவும் மிக வேகமாக நிறம் மாறக் கூடியவர் சந்திரசேகர் ராவ் என்றும், தெலுங்கானாவை புதிய மாநிலமாக உருவாக்கினால், தனது கட்சியை காங்கிரஸ் கட்சியுடன் இணைப்பதாகக் கூறிவிட்டு, சோனியா காந்தியை ஏமாற்றியவர் என்றும் குற்றம்சாட்டினார்.

”ஒரு தலித்தையே முதல்வராக்குவேன் எனக் கூறிய வாக்குறுதியையும் சந்திரசேகர் ராவ் நிறைவேற்றவில்லை. அவர் அளிக்கும் வாக்குறுதிகள் மூங்கில் போல உயரமாகவும், உறுதியாகவும் காட்சியளிக்கும். ஆனால், உள்ளுக்குள் வெறும் கூடாக இருக்கும்’’ என்றார் சித்து.

newstm.in

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.