கூட்டணி குறித்து டெல்லி காங்கிரஸுடன் ஆலோசிக்க ராகுல் காந்தி முடிவு

  Newstm Desk   | Last Modified : 05 Mar, 2019 10:22 am
rahul-gandhi-to-hold-discussions-with-delhi-unit-about-alliance

டெல்லி மாநிலத்தில் கூட்டணி அமைப்பதற்கான வாய்ப்புகள் குறித்து காங்கிரஸ் நிர்வாகிகளுடன் ஆலோசனை நடத்துவது என்று அக்கட்சியின் தலைவர் ராகுல் காந்தி முடிவு செய்துள்ளார்.

இங்கு, ஆம் ஆத்மி கட்சியின் ஆட்சி நடைபெற்று வருகிறது. கெஜ்ரிவால் முதல்வராக உள்ளார். மொத்தம் 7 தொகுதிகள் உள்ளன. கடந்த நாடாளுமன்றத் தேர்தலில் மொத்தமுள்ள 7 தொகுதிகளையும் பா.ஜ.க.வே கைப்பற்றியது. இந்த முறை தனித்துப் போட்டியிட்டால், மீண்டும் பா.ஜ.க.வுக்கு சாதகமாகி விடும் என்று காங்கிரஸும், ஆம் ஆத்மி கட்சியும் கருதின. இதையடுத்து, இரு கட்சிகளும் கூட்டணி சேர்வதற்கான முயற்சிகள் மேற்கொள்ளப்பட்டன. 

ஆம் ஆத்மி கட்சி 4 தொகுதிகளிலும், காங்கிரஸ் 3 தொகுதிகளிலும் போட்டியிடுவது என்று தொகுதி உடன்பாடு வரையில் பேசி முடிக்கப்பட்டதாக முதலில் தகவல்கள் வெளியாகின. ஆனால், டெல்லி மாநில காங்கிரஸ் தலைவர்கள் கூட்டணிக்கு கடும் எதிர்ப்பு தெரிவித்தனர். தனித்துப் போட்டியிட்டாலும் கட்சி வெற்றி பெறும் என்பது அவர்களது நம்பிக்கை. குறிப்பாக, டெல்லி மாநில காங்கிரஸ் தலைவராக இருந்த அஜய் மக்கான் பதவி விலகினார்.

இத்தகைய சூழலில், ஆம் ஆத்மி கட்சி தனித்துப் போட்டியிடுவதாகக் கூறி 6 தொகுதிகளுக்கான வேட்பாளர்களை அறிவித்தது. ஆனாலும், ராகுல் காந்தி கூட்டணி அமைக்கும் முடிவில் இருப்பதாகத் தெரிகிறது. இதுகுறித்து கட்சி நிர்வாகிகளுடன் அவர் ஆலோசனை நடத்தவுள்ளார்.

newstm.in
 

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close