18 - 33 வயதினரை குறிவைத்து தாக்கும் மன அழுத்தம்

படிப்பு, வேலை, சம்பளம், திருமணம், குழந்தை, வங்கி சேமிப்பு இவற்றிலேயே நம் வாழ்க்கை மொத்தமும் மூழ்கி விடுகின்றது. இந்த வரிசையில் ஏதாவது ஒன்றில் திருப்தி அடைய முடியா விட்டாலும், மனதளவில் பாதிப்புகள் ஏற்பட்டு விட்டதாக இந்த காலத்து இளைஞர்கள் நினைக்கின்றார்களாம். சமீபத்தில் நடந்த ஆய்வின் அடிப்படையில் 18 - 33 வயதுள்ளவர்கள் தான் அதிகமான மன அழுத்தத்திற்கு ஆளாவதாக உளவியல் நிபுணர்கள் கூறியுள்ளனர். இதனால் அவர்கள் தூக்கமின்மை, குறைவான நோய் எதிர்ப்பு சக்தி, உயர் இரத்த அழுத்தம் போன்றவைகளால் கஷ்டப்படுவதாகவும் கூறுகின்றனர்.