சாம் கர்ரானை சமாளிக்க அர்ஜூனுடன் பயிற்சி எடுத்த இந்திய அணி

  Newstm Desk   | Last Modified : 09 Aug, 2018 01:32 pm
arjun-tendulkar-bowls-to-indian-batsmen-in-nets-for-preparation-of-2nd-test

இங்கிலாந்தின் இடதுகை வேகப்பந்து வீச்சாளரான சாம் கர்ரானை சமாளிக்க, லெஜெண்ட் சச்சின் டெண்டுல்கரின் மகன் அர்ஜுனுடன், வலைப்பயிற்சியில் ஈடுபட்டு வருகிறது இந்திய அணி. 

இங்கிலாந்தில் சுற்றுப்பயணம் செய்து வரும் இந்திய அணி, டெஸ்ட் தொடரில் விளையாடி வருகிறது. இந்தியா, முதல் டெஸ்ட் போட்டியில் இங்கிலாந்திடம் வீழ்ந்தது. அந்த போட்டியில் இங்கிலாந்தின் இடதுகை வேகப்பந்து வீச்சாளர் கர்ரானை சமாளிக்க மிகவும் சிரமப்பட்டது இந்தியா. 

முதல் இன்னிங்சில் 50/0 ரன்னில் இருந்து 59 ரன் எடுப்பதற்குள் 3 விக்கெட்களை இழந்தது இந்தியா. முரளி விஜய், தவான், ராகுல் ஆகிய துவக்க வீரர்கள் விக்கெட்களை பறிகொடுத்தனர். அதன் பிறகு மீண்டும் பந்துவீச வந்த கர்ரான், ஆல்-ரவுண்டர் ஹர்திக் பாண்டியாவின் விக்கெட்டை கைப்பற்றினார். 

இதனால் கர்ரானை எதிர்கொள்ள, ஆல்-ரவுண்டர் அர்ஜுன் டெண்டுல்கருடன் வலைப்பயிற்சியில் ஈடுபட்டது இந்தியா. அர்ஜுன், இடதுகை வேகப்பந்து வீச்சாளராவார். சமீபத்தில் யு-19 அணியில் அறிமுகமான அர்ஜுன், கடந்த ஆண்டு விஜய், விராட் கோலிக்கு பந்துவீசி பயிற்சி எடுத்தார். தவிர, இந்திய மகளிர் அணிக்கும் அவர் பந்துவீசி பயிற்சி எடுத்துக் கொண்டார்.

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close