பிசிசிஐ ஊதிய ஒப்பந்த பட்டியல்: தமிழக வீரரின் பெயர் நீக்கம்!

  Newstm Desk   | Last Modified : 08 Mar, 2019 10:34 am
bcci-central-contracts-virat-kohli-rohit-sharma-jasprit-bumrah-in-a-category

இந்திய கிரிக்கெட் வீரர்களின் ஊதிய ஒப்பந்த பட்டியலை தரம் வாரியாக பிசிசிஐ வெளியிட்டுள்ளது. இதில் தமிழக வீரர் முரளி விஜய் நீக்கப்பட்டுள்ளார். 

இந்திய கிரிக்கெட் நிர்வாக அமைப்பான பிசிசிஐ, வீரர்களுக்கு 4 பிரிவுகளில் ஊதியம் வழங்கி வருகிறது. ஏ பிளஸ், ஏ, பி, சி என்று நான்கு வகையாக வீரர்கள் பிரிக்கப்பட்டுள்ளனர். அவர்களுக்கு ஆண்டுதோறும் சம்பள ஒப்பந்தம் செய்யப்படுகிறது.

அதன்படி பிசிசிஐ வெிளியிட்டுள்ள இந்த பட்டியலில் டெஸ்ட் கிரிக்கெட்டில் அசத்திய ரிஷப் பண்ட் ஏ பிரிவில் புதிதாக சேர்க்கப்பட்டுள்ளார். அதே நேரத்தில் புவனேஷ்வர் குமார் மற்றும் ஷிக்கர் தவான் ஆகியோர் ஏ பிளஸ் வகையில் இருந்து ஏ பிரிவுக்கு தள்ளப்பட்டுள்ளனர். 

கடந்தாண்டு இறுதியில் நடந்த டெஸ்ட் போட்டிகளில் சிறப்பான ஆட்டத்தை வெளிப்படுத்த தவறிய தமிழக வீரர் முரளி விஜய் ஒப்பந்தத்தில் சேர்க்கப்படவில்லை. 

கிரேடு ஏ பிளஸ் வகை வீரர்களுக்கு வருடத்திற்கு ரூ.7 கோடி ஊதியமாக வழங்கப்படுகிறது. கிரேடு ஏ வீரர்களுக்கு ரூ. 5 கோடியும், பி கிரேடு வீரர்களுக்கு ரூ. 3 கோடியும் மற்றும் சி பிரிவு வீரர்களுக்கு ரூ.1 கோடியும் வருடத்திற்கு ஊதியமாக வழங்கப்படுகிறது. 

ஆண்கள் கிரிக்கெட் அணியினர்: 

கிரேடு ஏ பிளஸ் (ரூ. 7 கோடி): விராட் கோலி, ரோஹித் ஷர்மா, ஜஸ்பிரித் பும்ரா.

கிரேடு ஏ (ரூ. 5 கோடி): அஸ்வின், ஜடேஜா, புவனேஷ்வர் குமார், புஜாரா, ரஹானே, எம்.எஸ். தோனி, தவான், ஷமி, இஷாந்த் ஷர்மா, குல்தீப் யாதவ், ரிஷப் பண்ட். 

கிரேடு பி (ரூ. 3 கோடி): கே.எல்.ராகுல், உமேஷ் யாதவ், சாஹல், ஹர்திக் பாண்டியா

கிரேடு சி (ரூ. 1 கோடி): கேதர் ஜாதவ், தினேஷ் கார்த்திக், அம்பத்தி ராயுடு, மணிஷ் பாண்டே, ஹனுமா விஹாரி, கலீல் அஹ்மத், சஹா. 

பெண்கள் கிரிக்கெட் அணி:

கிரேடு ஏ (ரூ. 50 லட்சம்): மிதாலி ராஜ், ஹர்மன்பிரீத் கவுர், ஸ்மிரிதி மந்தனா, பூனம் யாதவ்

கிரேடு பி (ரூ. 30 லட்சம்): ஏக்தா பிஷ்ட், ஜுலன் கோஸ்வாமி, ஷிக்கா பாண்டே, தீப்தி ஷர்மா, ஜெமிமா ரோட்ரிக்ஸ்

கிரேடு சி (ரூ. 10 லட்சம்): ராதா யாதவ், டி ஹேமலாதா, அனுஜா படேல், வேதா கிருஷ்ணமூர்த்தி, மன்சி ஜோஷி, பூனம் ரவட்,  மனோ மெஷ்ரம், அருந்தததி ரெட்டி, ராஜேஷ்வரி கயக்வத், தானியா பாட்டியா, பூஜா வஸ்த்ரகர். 

newstm.in

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close