• வியட்நாம், ஆஸ்திரேலியாவுக்கு குடியரசுத் தலைவர் அரசுமுறைப் பயணம்
  • ஜனவரி பேரணி ஓர் திருப்புமுனை: மம்தா பானர்ஜி
  • தேனி, திருவாரூரில் இன்றும் பள்ளிகளுக்கு விடுமுறை
  • இன்று முதல் வழக்கம் போல் ரயில்கள் இயங்கும்: தெற்கு ரயில்வே
  • அரையிறுதியில் தமிழக ரோல்பால் அணிகள்

ட்ரேட்மார்க் வழக்கில் கால்பந்து வீரர் மெஸ்ஸி வெற்றி!

  SRK   | Last Modified : 27 Apr, 2018 01:55 am


பார்சிலோனா அணிக்காக விளையாடி வரும் நட்சத்திர வீரர் லியோனல் மெஸ்ஸி, தனது பெயரை, வியாபாரத்துக்கு பயன்படுத்துவதற்காக தொடுத்த வழக்கில் வெற்றி பெற்றுள்ளார். 

2007ம் ஆண்டு முதல் கால்பந்து உலகிற்கு அறிமுகமான மெஸ்ஸி, கால்பந்து வரலாற்றிலேயே தலைசிறந்த வீரராகவும் பலரால் கருதப்படுகிறார். சிறந்த கால்பந்து வீரருக்கு வழங்கப்படும் தங்க பந்து விருதை, 5 முறை பெற்றுள்ள மெஸ்ஸி, அடுத்த ஆண்டு மீண்டும் பெறுவார் என எதிர்பார்க்கப்படுகிறது. 

களத்தில் சிறப்பாக விளையாடி வரும் மெஸ்ஸி, அடுத்ததாக, நீதிமன்றத்திலும் வெற்றியை கண்டுள்ளார். 2011ம் ஆண்டு, மெஸ்ஸி தனது பெயரை ட்ரேட்மார்க் செய்ய முயற்சித்தார். ஆனால், மாசி என்ற பெயர் கொண்ட சைக்கிளிங் ஆடை வடிவமைப்பு நிறுவனம், மெஸ்ஸியின் ட்ரேட்மார்க்கு எதிர்ப்பு தெரிவித்தது. இரண்டு பெயர்களும் ஒரு மாதிரி இருப்பதனால், மக்கள் குழப்பமடைய வாய்ப்புள்ளது என அந்நிறுவனம் கோரியது. அதை ஏற்றுக்கொண்ட ஐரோப்பிய அறிவுசார் சொத்து உரிமை ஆணையம், மெஸ்ஸியின் ட்ரேட்மார்க்கிற்கு தடை விதித்தது. 

7 வருடங்களுக்கு பிறகு, ஐரோப்பிய மத்திய நீதிமன்றம், இந்த வழக்கில் மெஸ்ஸிக்கு சாதகமாக தீர்ப்பளித்துள்ளது. "மனுதாரரின் அதீத புகழை கணக்கில் கொண்டால், மக்கள் குழப்பமடைய வாய்ப்பில்லை" என நீதிமன்றம் கூறியுள்ளது. 

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.