ஐ.பி.எல்: தடைக்கு பின் முதல்முறையாக மோதும் சி.எஸ்.கே - ராஜஸ்தான்!

  Newstm Desk   | Last Modified : 20 Apr, 2018 11:48 am


11-வது ஐ.பி.எல் போட்டியில் இன்று நடக்கும் 17-வது லீக் போட்டியில் சென்னை சூப்பர் கிங்ஸ்- ராஜஸ்தான் ராயல்ஸ் அணிகள் மோதுகின்றன. புனேவில் உள்ள எம்.சி.ஏ மைதானத்தில் இரவு 8 மணிக்கு போட்டி தொடங்குகிறது.  

சென்னை சூப்பர் கிங்ஸ் அணி மூன்று போட்டிகளில் இரண்டு வெற்றிகளை பெற்று, புள்ளிப் பட்டியலில் நான்காவது இடத்தில் இருக்கிறது. சி.எஸ்.கே களமிறங்கிய மூன்று போட்டிகளும் மிகவும் த்ரில்லிங்கான மேட்ச்சாக அமைந்தது. கிங்ஸ் லெவன் பஞ்சாப் அணிக்கு எதிரான மூன்றாவது போட்டியில் கேப்டன் தோனி, ஐ.பி.எல்-ல் தனது சிறந்த இன்னிங்ஸை விளையாடினார். பேட்டிங்கில் நிலையாக இருந்தாலும் அணியின் பந்துவீச்சில் கூடுதல் கவனம் செலுத்துவது அவசியமாக உள்ளது.

காயத்தில் இருந்து தோனி மீண்டு, களத்தில் இறங்குவார் என்று பயிற்சியாளர் ஹஸ்ஸி நம்பிக்கை தெரிவித்திருந்தார். இன்றைய போட்டியிலும் ரெய்னா விளையாடுவாரா என்று ரசிகர்கள் எதிர்பார்த்து காத்திருக்கின்றனர். கடுமையான காயம் ஏற்பட்டிருந்தாலும் ரெய்னா வலைப்பயிற்சியில் ஈடுபட்டிருந்தார். இருப்பினும் காயத்தின் தன்மை பொருத்தே அவர் களமிறங்குவார். அணியில் புதிதாக இடம் பெற்றுள்ள டேவிட் வில்லிக்கு வாய்ப்பு வழங்கப்படலாம். தாக்கத்தை ஏற்படுத்தக் கூடிய கார்ன் சர்மாவுக்கு, தாஹிர் அல்லது ஹர்பஜன் வழி விட்டு வாய்ப்பு கொடுக்கலாம். 


ஹோம் கிரவுண்டை பொருத்தவரை சுமார் ஆயிரம் சி.எஸ்.கே ரசிகர்கள் புனேவுக்கு சென்றடைந்துள்ளனர். சென்னையில் இல்லாவிட்டாலும் புனேவில் போட்டியை கண்டு ரசிக்க நேற்று அவர்களுக்கு சிறப்பு ரயிலை அணி நிர்வாகம் ஏற்பாடு செய்து கொடுத்தது. 

அஜின்க்யா ரஹானே தலைமையில் களமிறங்கும் ராஜஸ்தான், நான்கு போட்டிகளில் இரண்டில் வெற்றியை பெற்றுள்ளது. புள்ளிப்பட்டியலில் 5-வது இடத்தில் உள்ளது. இந்த அணியின் பந்துவீச்சு சராசரி மோசமாக இருப்பதால், அதனை சரிசெய்து கொள்ளவேண்டிய கட்டாயத்தில் ராஜஸ்தான் இருக்கிறது. அணியில் ஷார்ட்டுக்கு பதில் க்ளாஸென் களமிறக்கப்பட வாய்ப்புள்ளது. பென் ஸ்டோக்ஸ் இன்னும் தனது அதிரடி ஆட்டத்தை வெளிப்படுத்தவில்லை என்பதால் அவர் மீது எதிர்பார்ப்பு இருக்கிறது.

ஐ.பி.எல்-ல் இவ்விரு அணிகள் மோதிய போட்டிகளில், சி.எஸ்.கே 11 வெற்றிகளையும், ராஜஸ்தான் 6 வெற்றிகளையும் பெற்றுள்ளது. புனே மைதானத்தில், சி.எஸ்.கே 1 வெற்றி 1 தோல்வியை கண்டுள்ளது. அதே போல் ராஜஸ்தான் இந்த மைதானத்தில் 2 வெற்றி 2 தோல்வியை சந்திருக்கிறது. 


இரு அணிகளும் மூன்றாவது வெற்றிக்காக பாடுபடுவார்கள். அதே சமயம், இரு அணிகளும் சூதாட்ட விவகாரத்தில் தடை பெற்று இரண்டு ஆண்டுகளுக்கு பிறகு முதல் முறையாக மோத இருப்பதால் எதிர்பார்ப்புகள் அதிகமாக உள்ளது.

சென்னை சூப்பர் கிங்ஸ் அணி: எம்.எஸ். தோனி (கேப்டன்), சுரேஷ் ரெய்னா, ரவீந்திர ஜடேஜா, பாப் டு பிளேஸிஸ், ஹர்பஜன் சிங், ட்வயன் பிராவோ, ஷான் வாட்சன், கேதார் ஜாதவ், அம்பதி ராயுடு, தீபக் சாகர், கே.எம். ஆசிப், கனிஷ்க் சேத், லுங்கிசனி ங்கிடி, துருவ் ஷோரே, முரளி விஜய், சாம் பில்லிங்ஸ், மார்க் வுட், க்ஷிதிஸ் சர்மா, மோனு குமார், சைதன்யா பிஷ்ணோய், இம்ரான் தாஹிர், கார்ன் சர்மா, ஷர்துல் தாகூர், என். ஜெகதீசன். 

ராஜஸ்தான் ராயல்ஸ் அணி: அஜின்க்யா ரஹானே (கேப்டன்), பென் ஸ்டோக்ஸ், ஸ்டுவர்ட் பின்னி, சஞ்சு சாம்சன், ஜோஸ் பட்லர், ராகுல் த்ரிபாதி, டி ஆர்சி ஷார்ட், கிருஷ்ணப்பா கெளதம், ஜோஃப்ரா அர்ச்சர், தவள் குல்கர்னி, ஜெயதேவ் உனட்கட், அங்கித் சர்மா, அனுரீத் சிங், ஜாகிர் கான், ஷ்ரேயாஸ் கோபால், பிரஷாந்த் சோப்ரா, சுதேசன் மிதுன், பென் லக்ஹ்லின், மஹிபால் லொம்ரோர், அர்யமான் பிர்லா, ஜதின் சக்சேனா, துஷ்மந்தா சமீரா, ஹெய்ன்ரிச் க்ளாஸென். 

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close