ஆசிய பேட்மிண்டன்: சாய்னா, சிந்து, ஸ்ரீகாந்த் முன்னேற்றம்

  Newstm Desk   | Last Modified : 26 Apr, 2018 12:08 pm


ஆசிய சாம்பியன்ஷிப் பேட்மிண்டன் போட்டி நேற்று சீனாவின் வுஹான் நகரில் தொடங்கியது. துவக்க போட்டியில் இந்திய முன்னணி போட்டியாளர்கள் சாய்னா நேவால், பி.வி.சிந்து, கிடாம்பி ஸ்ரீகாந்த் ஆகியோர் வெற்றி பெற்று இரண்டாவது சுற்றுக்கு முன்னேறினர். 

கோல்டுகோஸ்ட் போட்டியில் தங்கம் வென்ற சாய்னா, தொடர்ந்து தனது சிறப்பான ஆட்டத்தை வெளிப்படுத்தி வருகிறார். துவக்க போட்டியில் சிங்கப்பூரின் எவ் ஜியா மின்னை 21-12, 21-9 என்ற நேர்செட் கணக்கில் சாய்னா வென்றார். சாய்னாவின் தோல்வி கண்டு வெள்ளி வென்ற பி.வி.சிந்து, சீன தைபேவின் பய் யு போவை 21-14, 21-19 என வீழ்த்தினார்.  

ஆண்கள் பிரிவில், காமன்வெல்த் போட்டியில் வெள்ளி வென்ற ஸ்ரீகாந்த் கிடாம்பி, 13-21, 21-16, 21-16 என்ற கணக்கில் ஜப்பானின் கென்டா நிஷிமோடோவை போராடி வென்றார். மற்ற இந்திய வீரர்களான சாய் பிரனீத், ஹெச்.எஸ். பிரணாய் ஆகியோரும் வெற்றி பெற்று அடுத்த சுற்றுக்கு முன்னேறினர். சமீர் வர்மா தோல்வி அடைந்தார்.

ஆண்கள் இரட்டையர் பிரிவில், அர்ஜுன் - ராமசந்திரன் ஷ்லோக்; பெண்கள் இரட்டையரில் மேகனா - பூர்விஷா இலைகளும் அடுத்த சுற்றுக்குள் நுழைந்தனர். 

கலப்பு இரட்டையர் பிரிவில், சௌரப் சர்மா - அனோஸ்கா பரிக்; வெங்கட் கௌரவ் பிரசாத் - ஜூஹி கூட்டணி தோல்வி அடைந்து வெளியேறியது. 

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close