பஞ்சாபை 153 ரன்னுக்கு சுருட்டியது சென்னை!

  பா.பிரவீன் குமார்   | Last Modified : 20 May, 2018 09:55 pm

சென்னை அணி வெற்றிபெற 154 ரன்களை இலக்காக நிர்ணயித்துள்ளது பஞ்சாப் அணி.

இன்று நடந்த கடைசி லீக் போட்டியில் சென்னை அணி பஞ்சாபை எதிர்கொண்டது. டாஸ் வென்ற சென்னை அணி, முதலில் பந்து வீச்சை தேர்வு செய்தது. சென்னை அணி இன்று கொஞ்சம் சிறப்பாக பந்து வீசியது. வந்த வேகத்தில் கிரிஸ் கெயில் டக் அவுட் ஆனார். இதனால், பஞ்சாப் அணி ரன் குவிப்பது தவிர்க்கப்பட்டது. லோக்கேஷ் ராகுல், ஆரோன் ஃபின்ச் உள்ளிட்டவர்களும் ரன் குவிக்கத் தவறினர்.

மனோஜ் திவாரி (35), கருண் நாயர் (54) ரன்கள் எடுத்து அந்த அணி நல்ல ரன்களை எடுக்க உதவினர். கடைசியில், 19.4 ஒவரில் 153 ரன்னுக்கு பஞ்சாப் அணி ஆல் அவுட் ஆனது. 

இன்றைய போட்டியில் அதிக ரன் வித்தியாசத்தில் வெற்றி பெற்றால் மட்டுமே பிளே ஆஃப் சுற்றுக்கு நுழைய முடியும் என்ற நிலையில் பஞ்சாப் விளையாடி வருகிறது. ஆனால், தற்போது எடுத்துள்ள ரன்களை கணக்கிட்டால், சென்னை அணியை 100 ரன்னுக்குள் சுருட்ட வேண்டிய கட்டாயத்தில் பஞ்சாப் உள்ளது. தொடக்கத்தில் அதிரடி காட்டிய பஞ்சாப் அணி புள்ளிபட்டியலில் முதலிடத்தில் இருந்தது. கடைசியில், பிளே ஆஃப் சுற்றுக்குக் கூட நுழைய முடியாத நிலையில் இருப்பது பஞ்சாப் ரசிகர்களுக்கு வேதனையை ஏற்படுத்தியுள்ளது.

குரு பெயர்ச்சி பலன்கள் 2018 - 19 பெற உங்கள் மின்னஞ்சல் முகவரியை பதிவு செய்யவும்

எங்களை பின் தொடர

Advertisement:
[X] Close