2 ஆண்டுக்கு பின் களம் கண்டு தங்கம் வென்ற தீபா கர்மாகர்!

  Newstm Desk   | Last Modified : 09 Jul, 2018 12:44 pm

dipa-karmakar-wins-gold-medal-in-fig-artistic-gymnastics-world-challenge-cup

உலக சேலஞ் கோப்பை போட்டியில் இந்தியாவின் ஜிம்னாஸ்டிக் வீராங்கனை தீபா கர்மாகர் தங்கம் வென்றார். 

துருக்கியின் மெர்ஸின் நகரில் இந்திய ஜிம்னாஸ்டிக் சங்கத்தின் ஆர்டிஸ்டிக் ஜிம்னாஸ்டிக்ஸ் உலக சேலஞ் கோப்பை போட்டி நடைபெறுகிறது. இப்போட்டியில், 2016 ரியோ ஒலிம்பிக்கில் 4-வது இடம் பிடித்த இந்தியா வீராங்கனை தீபா கர்மாகர் (24) பங்கேற்றார். உலக சேலஞ் கோப்பை வால்ட் பிரிவில் போட்டியிட்ட கர்மாகர், 14.150 புள்ளிகள் பெற்று, தங்கப்பதக்கத்தை கைப்பற்றினார். இது கர்மாகரின் முதல் உலக சேலஞ் கோப்பை ஆகும். 

ரியோ ஒலிம்பிக் போட்டிக்கு பிறகு காயம் காரணமாக இரண்டு ஆண்டுகள் போட்டிகளில் பங்கேற்காத கர்மாகர், மீண்டும் களம் கண்டு தங்கம் வென்றதை, விளையாட்டுத்துறை அமைச்சர் ராஜ்யவர்தன் ரத்தோர் தனது ட்விட்டர் பக்கத்தில் பாராட்டியுள்ளார். இந்தோனேசியாவின் ரிஃப்தா இர்ஃபானாலுத்ஃபி 13.400 புள்ளிகள் பெற்று வெள்ளிப் பதக்கமும், துருக்கியின் கோக்ஸு உக்டஸ் சான்லி 13.200 புள்ளிகளுடன் வெண்கலமும் வென்றனர். 

ஆடவர் பிரிவில், இந்தியாவின் ராகேஷ் பத்ரா பதக்கத்தை தவறவிட்டார். துருக்கியின் இப்ராஹிம் கோலாக் தங்கம், ரோமானியாவின் ஆண்ட்ரே வஸ்ஸில் வெள்ளி, டச்சின் யூரி வான் வெண்கலமும் வென்றனர்.

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.