'சூரிய' குடும்பத்தின் ஆட்சி மீண்டும் வர கூடாது - ஜெயக்குமார் காட்டம்

Last Modified : 20 Aug, 2017 07:52 am

எம்.ஜி.ஆர்., நுாற்றாண்டு விழா சென்னை, செங்குன்றம் அடுத்த சோழவரத்தில், செப்டம்பர் 2ம் தேதி நடைபெற உள்ளது. இது தொடர்பான ஆலோசனை கூட்டம் பாடியநல்லுாரில் நடந்தது. இதில், தமிழக நிதி அமைச்சர் ஜெயக்குமார் கலந்து கொண்டு பேசியதாவது: "அ.தி.மு.க., இரும்பு கோட்டை; அதில், தகுதியில்லாத எவனும் நுழைய முடியாது. தமிழகத்தை கொள்ளை அடித்த ஒரு இயக்கம், மீண்டும் ஆட்சிக்கு வரத் துடிக்கிறது. அதேபோன்று, தியாகமே செய்யாத ஒரு குடும்பம், தமிழகத்தை சூறையாட முயற்சிக்கிறது; அதை, நாம் அனுமதிக்கக் கூடாது. தமிழகத்தை கொள்ளை அடித்த சூரிய குடும்பத்திற்கு, தியாகமே செய்யாத குடும்பம், ஆதரவு அளிக்க தயாராகிவிட்டது. தலைக்கு, 500 ரூபாய் கொடுத்தால், தலைவனாகி விட முடியுமா?" இவ்வாறு, தினகரனையும், திமுகவையும் பெயர் குறிப்பிடாமல் ஆவேசமாக பேசினார். இந்த கூட்டத்தில், ஜெயகுமாருடன், அமைச்சர்கள் செங்கோட்டையன், சீனிவாசன், பெஞ்சமின் ஆகியோரும் பங்கேற்றனர்

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.