சுட்டெரிக்கும் வெயில்! போக்குவரத்து காவலர்களுக்கு சோலார் தொப்பி மற்றும் சோலார் கண்ணாடி!

  Newstm Desk   | Last Modified : 07 Mar, 2019 03:30 pm
salem-cool-drinks-solar-glasses-given-to-traffic-police

சேலத்தில் வெயிலின் தாக்கத்தில் இருந்து தற்காத்துக்கொள்ள போக்குவரத்து காவலர்களுக்கு சோலார் தொப்பி மற்றும் சோலார் கண்ணாடிகளை மாநகர காவல் ஆணையர் சங்கர் வழங்கினார்.

கோடை காலம் தொடங்கும் முன்னரே தமிழகம் முழுவதும் வெயிலின் தாக்கம் கடுமையாக இருக்கிறது. குறிப்பாக சேலம் மாவட்டத்தில் கடந்த ஒரு வாரத்திற்கும் மேலாக 100 டிகிரியை தாண்டி வெயில் சுட்டெரித்துக் கொண்டிருக்கிறது. இந்நிலையில், கடும் வெயிலையும் பொருட்படுத்தாமல் போக்குவரத்தை சீரமைக்கும் பணியில் ஈடுபட்டுள்ள போக்குவரத்து காவலர்களுக்கு சோலார் தொப்பி சோலார் கண்ணாடி மற்றும் நீர் மோர் வழங்கும் நிகழ்ச்சி இன்று நடைபெற்றது.

இந்நிகழ்ச்சியில்,சேலம் மாநகர காவல் ஆணையாளர் சங்கர், துணை ஆணையாளர்கள் தங்கதுரை மற்றும் சியாமளா தேவி ஆகியோர் கலந்துகொண்டு போக்குவரத்து காவலர்களுக்கு வெயிலின் தாக்கத்தில் இருந்து தற்காத்துக்கொள்ள சோலார் தொப்பி மற்றும் சோலார் கண்ணாடிகளை வழங்கினர். நீர்மோர்களையும் வழங்கினர். 

மேலும், மாநகர காவல் ஆணையர் சங்கர் கூறும்போது, ஆண்டுதோறும் கோடை காலங்களில் வெப்பத்தின் தாக்கத்தை எதிர்கொள்ள போக்குவரத்து காவலர்களுக்கு நீர்மோர் வழங்குவது வழக்கம். அந்த வகையில் இந்த ஆண்டு நீர்மோர் வழங்கும் நிகழ்ச்சி தொடங்கியுள்ளதாகவும், தொடர்ந்து 3 மாதங்களுக்கு போக்குவரத்து காவலர்கள் பணியாற்றும் இடத்துக்கே நேரடியாக நீர் மோர் வினியோகம் செய்ய மாநகர காவல் துறை ஏற்பாடு செய்துள்ளதாக தெரிவித்தார்.

newstm.in

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close