திரிபுரசுந்தரி சமேத திருக்கோடீஸ்வரர் கோவில் திருக்கல்யாண உற்சவம்!

  அனிதா   | Last Modified : 17 Apr, 2019 09:19 am
thiripura-sundhari-thirukodeeshwarar-temple-festival

கும்பகோணம் திரிபுரசுந்தரி சமேத திருக்கோடீஸ்வரர் கோவிலில் நடைபெற்ற திருக்கல்யாண உற்சவத்தில் திரளான பக்தர்கள் கலந்து கொண்டு சாமி தரிசனம் செய்தனர். 

கும்பகோணத்தை அடுத்த திருவிடைமருதூர் அருகே திருக்கோடிக்காவலில்மூவாயிரம் ஆண்டுகள் பழமையான திரிபுரசுந்தரி சமேத திருக்கோடீஸ்வரர் கோயில் உள்ளது. வடுக பைரவர் சிறப்பு ஸ்தலமாகவும் எம பயம் போக்க கூடிய சிறப்பு கோயிலாகவும் இத்தலம் போற்றப்படுகிறது.

சுமார் 100 ஆண்டுகளுக்கு பிறகு சித்திரை பிரம்மோற்சவ விழா கடந்த நான்காம் தேதி கொடியேற்றத்துடன் தொடங்கியது. இந்த உற்சவத்தின் பிரதான நிகழ்ச்சியான திருக்கல்யாணம் பிரம்மோற்சவம் நடந்தது. இவ்வைபவத்தில் துகிலி அம்மாபேட்டை விசாலாட்சி அம்பிகை சமேத காசிவிஸ்வநாதர்கோயிலில் இருந்து பல்வேறு வகையான பழங்கள் மலர்கள் தேங்காய் வெற்றிலை பாக்கு இனிப்பு வகைகள் கார வகைகள் மங்கலப் பொருட்கள் சுவாமி அம்பாளுக்கு பட்டு வஸ்திரங்கள் உள்ளிட்ட பொருட்களை வாணவேடிக்கைகள் முழுக்க மங்கல வாத்தியங்களுடன் சீர்வரிசையாக பக்தர்கள் படை சூழ கொண்டு வந்தனர்.

கோயிலில் சிறப்பு மலர் அலங்காரத்தில் எழுந்தருளிய சுவாமி அம்பாளுக்கு மாலை மாற்றுதல் நிகழ்வு பொன்னூஞ்சல் ஆடுதல் போன்ற நிகழ்வுகள் நடைபெற்றது. தொடர்ந்து கோயிலின் வளாகத்தில் அமைக்கப்பட்டிருந்த பிரமாண்ட பந்தலில் சுவாமி அம்பாள் எழுந்தருளி பட்டு வஸ்திரங்கள் சாற்றப்பட்டு மலர்களைக் கொண்டு பூஜித்து சிறப்பு ஹோமங்கள் செய்து சிவாச்சாரியார்கள் வேதமந்திரங்கள் முழங்க வாண வேடிக்கைகளுடன் நாதஸ்வர மேள தாளங்களுடன் மாங்கல்ய தாரணம் என்று போற்றக்கூடிய திருக்கல்யாண பிரமோற்சவம் நடந்தது.

இதில் சுற்றுவட்டார பகுதிகளை சேர்ந்த ஏராளமான பக்தர்கள் கலந்து கொண்டு தரிசனம் செய்தனர். தொடர்ந்து பக்தர்களுக்கு மங்கள பிரசாதங்களும் அறுசுவையுடன் கூடிய அன்னதானமும் நடந்தது. வரும் 18-ஆம் தேதி சித்திரை பிரம்மோற்சவ தேரோட்டமும், 19ஆம் தேதி கோயிலின் சிருங்கோத்பவ தீர்த்தத்தில் தீர்த்தவாரி உற்சவமும் நடைபெறுகிறது.

newstm.in

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close