கோழிப்பண்ணைகளாக பள்ளிகள்! நீதிபதி வேதனை

  ஐஸ்வர்யா   | Last Modified : 15 Jul, 2018 06:44 am
tamilnadu-schools-functioning-like-poultry-farm

நாமக்கல் அருகே திருச்செங்கோடு, ராசிபுரம் பகுதிகளில் கோழிப்பண்ணை போல் பள்ளிகள் செயல்படுவதாக நீதிபதி கிருபாகரன் தெரிவித்துள்ளார்.

கடலூர் அருகே வடலூரில் புத்தகக் கண்காட்சியில் ஒன்றில் நூல் வெளியீட்டில் பேசிய உயர்நீதிமன்ற நீதிபதி கிருபாகரன், "மக்கள் அவசியத்திற்காக போராடுவதில் எந்த தவறும் இல்லை, ஆனால் அனாவசியத்திற்காக போராடக்கூடாது. கல்வி வியாபாரமாகிவிட்டது. நாமக்கல் அருகே திருச்செங்கோடு, ராசிபுரம் பகுதிகளில் கோழிப்பண்ணை போல் பள்ளிகள் செயல்படுகின்றன. பல லட்சங்கள் கொடுத்து மருத்துவர், இன்ஜினியராக வேண்டும் என குழந்தைகளை பள்ளியில் சேர்க்கின்றனர். மருத்துவர் ஆக வேண்டும் என்ற மனநிலையிலே குழந்தைபருவம் முதல் மாணவர்களும் வளர்கின்றனர். இறுதியில் கனவு கலையும்போது மாணவர்கள் தற்கொலை செய்கிறார்கள். இதுபோன்ற சூழ்நிலை ஏற்படக்கூடாது. பள்ளி, கல்லூரிகளில் மகிழ்ச்சியான சூழல் உருவாகிறது என்றால் அதுதான் மகிழ்ச்சியான சமுதாயமாக அமையும். 

தமிழ்மொழியே கடல்கடந்து பேசக்கூடிய தொன்மையான மொழி, தமிழ் மொழியை நாம் பறைசாற்றவேண்டும். கிராமத்தில் படித்தாலும், தமிழ் வழியில் படித்தாலும் நன்நடத்தை மட்டுமே உங்களை உயர்ந்த இடத்திற்கு கொண்டு செல்லும்” என கூறினார்.

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close