தாமிரபரணி மகாபுஷ்கர நிறைவு 

  டேவிட்   | Last Modified : 23 Oct, 2018 09:25 pm
thamirabharani-mahapushkaram-concluded-today

குருபெயர்ச்சியை முன்னிட்டு தாமிரபரணியில் கடந்த 11ம் தேதி தொடங்கிய மகாபுஷ்கர விழா இன்று நிறைவடைந்தது.

மகாபுஷ்கர புஷ்கரவிழாவின் நிறைவு நாளான இன்று பாபநாசம் துவங்கி அத்தாளநல்லுார், திருப்புடைமருதுார், நெல்லை தைப்பூச மண்டபம், குறுக்குத்துறை, மணிமூர்த்தீஸ்வரம், செப்பறை கோயில் படித்துறை, துாத்துக்குடி மாவட்டத்தில் முறப்பநாடு, அகரம், ஸ்ரீவைகுண்டம் என பல்வேறு தீர்த்தக்கட்டங்களிலும் மக்கள் நீராடினர்.

நிறைவு நாளில் நெல்லை சந்திப்பு தைப்பூச மண்டபத்தில் நடைபெற்ற ஆரத்தி விழாவில் வேளாக்குறிச்சி ஆதீனம் சத்யஞான மகாதேவ தேசிக பரமாச்சாரியார் சுவாமிகள், செங்கோல் ஆதீனம் சிவப்பிரகாச தேசிய சத்யஞான சுவாமிகள், சாமித்தோப்பு பாலபிரஜாபதி அடிகள், விஎச்பி மூத்த தலைவர் வேதாந்தம் உள்ளிட்டோர் கலந்துகொண்டனர்.

அமைச்சர்கள் மாபா பாண்டியராஜன், கடம்பூர் ராஜூ, ராஜலட்சுமி ஆகியோரும் இதில் கலந்துகொண்டனர். நிறைவாக தாமிரபரணிக்கு ஆரத்தி வைபவம் நடைபெற்றது. தைப்பூச மண்டபத்தில் ஆயிரக்கணக்கானோர் கூடினர். கடந்த 12 தினங்களிலும் நெல்லை, துாத்துக்குடி மாவட்டங்களில் சுமார் 50 லட்சத்துக்கும் மேற்பட்டோர் தாமிரபரணி ஆற்றில் மகாபுஷ்கரத்தையொட்டி நீராடியுள்ளதாக தகவல்கள் தெரிவிக்கின்றன. 

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close