3வது அணி ஆட்சி அமைக்க வாய்ப்பே இல்லை: பிரேமலதா விஜயகாந்த்!

  அனிதா   | Last Modified : 13 May, 2019 03:18 pm
there-is-no-chance-to-form-the-3rd-team-rule

மூன்றாவது அணி ஆட்சி அமைக்க வாய்ப்பே இல்லை என தேமுதிக பொருளாளர் பிரேமலதா விஜயகாந்த் தெரிவித்துள்ளார். 

சென்னை சாலிகிராமத்தில் செய்தியாளர்களை சந்தித்த தே.மு.தி.க பொருளாளர் பிரேமலதா விஜயகாந்த், "மழை காலங்களில் மழை நீர் வீணாக கடலில் கடக்கிறது. வெயில் காலங்களில் தமிழ்நாடு முழுவதும் தண்ணீர் பற்றாக்குறை ஏற்படுகிறது. இதனை தடுக்கும் வகையில் அரசு உடனடி நடவடிக்கைகளை எடுக்க வேண்டும். தமிழக அரசு கோடைகாலத்தில் ஏற்படும் தண்ணீர் பற்றாக்குறையை போக்கும் வகையில்  மக்களுக்கு லாரிகள் மூலம் குடிநீரை கொண்டு சேர்க்க வேண்டும்.

தேர்தல் நேரத்தில் அனைத்து கட்சிகளும் தேர்தல் வேலைகளை பார்ப்பது இயற்கை தான். அதனை வைத்து மக்களின் அடிப்படை பிரச்சனை மீது அரசியல் கட்சிகளுக்கு அக்கறை இல்லை என்று கூறிவிட முடியாது. தேர்தல் முடிவடைந்த பிறகு மக்களின் அனைத்து அடிப்படை தேவைகளும் பூர்த்தி செய்யப்படும். 

ஸ்டாலினை  தெலுங்கானா முதல்வர் சந்திப்பது சாதாரணமான ஒன்றே. எதிர்கட்சிகள், தேர்தலில் வெற்றி பெற முன்கூட்டியே சில திட்டம் தீட்டுகின்றன. ஆனால் அதிமுக தலைமையிலான கூட்டணி தான் வெற்றி பெறும். மூன்றாவது அணி ஆட்சி அமைக்க வாய்ப்பே இல்லை. அது வெறும் கற்பனையே.

தேர்தல் பிரச்சாரம் முடியும் நேரத்தில் மக்களை சென்று சந்திப்பதன் மூலம் மக்களின் ஆதரவை மிகுதியாக பெற முடியும். ஆகையால் நாளை முதல் தேமுதிக சார்பில் என்னுடைய பிரச்சாரத்தை தொடங்கவுள்ளேன். கவர்ச்சி திட்டங்கள் வேண்டாம், வளர்ச்சி திட்டம் தான் வேண்டும் என்ற கொள்கையில் தேமுதிக நிலையாக உள்ளது. ஆகையால் மக்களுக்கான தேவைகளை பூர்த்தி செய்வதே அவசியம்" என தெரிவித்தார்.  

newstm.in

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close