இடைத்தேர்தல்: இன்று மாலை முதல் டாஸ்மாக் கடைகளுக்கு 'லீவு'

  முத்துமாரி   | Last Modified : 17 May, 2019 02:31 pm
tasmac-shops-closed-from-today-eve-in-tn

தமிழகத்தில் இடைத்தேர்தல் மற்றும் மறுவாக்குப்பதிவு நடைபெறுவதையொட்டி, தேர்தல் நடைபெறும் பகுதிகளில் டாஸ்மாக் கடைகளை மூட  தமிழக தலைமைத் தேர்தல் அதிகாரி உத்தரவிட்டுள்ளார். 

அரவக்குறிச்சி, ஓட்டப்பிடாரம், சூலூர், திருப்பரங்குன்றம் ஆகிய 4 சட்டப்பேரவைத் தொகுதிகளுக்கும் வரும் மே 19 -ஆம் தேதி, இடைத்தேர்தல் நடைபெறவுள்ளது. அதேபோன்று அன்றைய தினம், தமிழகத்தில் உள்ள 13 வாக்குச்சாவடிகளில் மறுவாக்குப்பதிவு நடத்தப்படவுள்ளது. 

இதையடுத்து, 4 சட்டப்பேரவை தொகுதிகள் மற்றும் மறுவாக்குப்பதிவு நடைபெறவுள்ள 13 வாக்குச்சாவடிகள் உள்ள சட்டமன்ற தொகுதிகளில் டாஸ்மாக் கடைகளை மூட, தமிழக தலைமைத் தேர்தல் அதிகாரி உத்தரவிட்டுள்ளார். 

அதன்படி, இன்று மாலை முதல் மே 19 -ஆம் தேதி இரவு வரை, இப்பகுதிகளில் டாஸ்மாக்  கடைகள் இயங்காது என்று தகவல் தெரிவிக்கப்பட்டுள்ளது. 

newstm.in

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close