நெல்லை முன்னாள் மேயர் கொலை வழக்கு சிபிசிஐடி-க்கு மாற்றம்!

  Newstm Desk   | Last Modified : 29 Jul, 2019 05:40 pm
nellai-ex-mayor-murder-case-transferred-to-cbcid

நெல்லை முன்னாள் மேயர் உள்பட மூவர் கொலை செய்யப்பட்ட வழக்கை சிபிசிஐடி-க்கு மாற்றி காவல்துறை டிஜிபி உத்தரவிட்டுள்ளார். 

நெல்லை மாவட்டம் ரெட்டியார்பட்டியில் வசித்து வந்த அம்மாவட்ட முன்னாள் மேயர் உமா மகேஸ்வரி, அவரது கணவர் முருகசங்கரன், பணிப்பெண் மாரியம்மாள் ஆகிய 3 பேரும் கொடூரமான முறையில் கொலை செய்யப்பட்டிருந்தனர். கடந்த ஜூலை 23ம் தேதி நடந்த இந்த கொலை குறித்து ஒரு வாரமாக எந்த தகவலும் கிடைக்காமல் இருந்தது. இது தொடர்பாக போலீசார் 3 தனிப்படைகள் அமைத்து விசாரணை மேற்கொண்டு வந்தனர். 

இந்நிலையில், சிசிடிவி காட்சிகளின் மூலமாக கொலையாளி பயன்படுத்திய காரை போலீசார் பறிமுதல் செய்ததுடன், இந்த கொலை வழக்கு தொடர்பாக திமுக பெண் பிரமுகர் சீனியம்மாளின் மகன் கார்த்திகேயன் என்பவரை போலீசார் கைது செய்து விசாரணை நடத்தி வருகின்றனர். 

இந்த சூழ்நிலையில் தான் இவ்வழக்கை சிபிசிஐடி-க்கு மாற்றி காவல்துறை டிஜிபி உத்தரவிட்டுள்ளார். 

newstm.in

நெல்லை: முன்னாள் மேயர் கொலைக்கு இதுதான் காரணமா?

சுட சுட சுவரஸ்யமான தகவல்களுடன் நியூஸ்டிம் மொபைல்ஆப் ! இங்க கிளிக் செய்யுங்கள்.

தெறிப்பு செய்திகளுக்கு...

  இங்கே சொடுக்கவும்

எங்களை பின் தொடர

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்
Advertisement:
[X] Close