• வியட்நாம், ஆஸ்திரேலியாவுக்கு குடியரசுத் தலைவர் அரசுமுறைப் பயணம்
  • ஜனவரி பேரணி ஓர் திருப்புமுனை: மம்தா பானர்ஜி
  • தேனி, திருவாரூரில் இன்றும் பள்ளிகளுக்கு விடுமுறை
  • இன்று முதல் வழக்கம் போல் ரயில்கள் இயங்கும்: தெற்கு ரயில்வே
  • அரையிறுதியில் தமிழக ரோல்பால் அணிகள்

படை திரட்டும் சந்திரபாபு நாயுடு... நாளை ஸ்டாலினுடன் சந்திப்பு!

  ஆர்.எம்.திரவியராஜ்   | Last Modified : 07 Nov, 2018 11:18 am

andhra-cm-chandrababu-naidu-to-meet-dmk-leader-mk-stalin

பாஜகவுக்கு எதிராக அனைத்துக் கட்சிகளையும் ஒருங்கிணைக்கும் முயற்சியில் ஈடுபட்டுள்ள ஆந்திர முதல்வர் சந்திரபாபு நாயுடு, நாளை திமுக தலைவர் ஸ்டாலினை சந்திக்க உள்ளார்.

வருகிற மக்களவைத் தேர்தலை முன்னிட்டு, பாஜகவுக்கு எதிராக மிகப்பெரிய கூட்டணியை அமைக்கும் முயற்சியை ஆந்திர முதல்வர் சந்திரபாபு முன்னெடுத்துள்ளார். இதுதொடர்பாக டெல்லியில் நவம்பர் 1-ம் தேதி சரத்பவார், பரூக் அப்துல்லா உள்ளிட்ட பல்வேறு தலைவர்களையும் சந்தித்துப் பேசிய அவர், காங்கிரஸ் தலைவர் ராகுலையும் சந்தித்தார்.

பின்னர் வெளியே வந்த இருவரும் கூட்டாக செய்தியாளர்களை சந்தித்தனர். அப்போது பேசிய சந்திரபாபு நாயுடு, “நாட்டைக் காப்பாற்ற பாஜகவுக்கு எதிராக அனைவரும் ஒன்றிணைய வேண்டும். பா.ஜ.க-வை வீழ்த்துவதே எங்களின் முக்கிய நோக்கம். இது தொடர்பாக திமுகவிடம் விரைவில் பேசுவோம்” என்று தெரிவித்திருந்தார். இதனை வரவேற்ற திமுக தலைவர் மு.க.ஸ்டாலின், நவம்பர் 2-ம் தேதி தனது ட்விட்டர் பக்கத்தில், “காங்கிரஸ் தலைவர் ராகுல் காந்தியை ஆந்திர மாநில முதல்வர் சந்திரபாபு நாயுடு சந்தித்துப் பேசியதை மகிழ்ச்சியுடன் வரவேற்கிறேன்.

பா.ஜ.கவை வீழ்த்த எதிர்க்கட்சிகள் அனைத்தும் ஒருங்கிணைந்து பணியாற்ற வேண்டும் என்று ராகுல் சொன்ன கருத்து முக்கியமானது.
‘தேசத்தைப் பாதுகாக்க இது ஜனநாயக நிர்பந்தம்’ என்று சந்திரபாபு நாயுடு அவர்கள் சொன்னதை நான் வழிமொழிகிறேன். மாநில சுயாட்சியைப் பறிக்கும் மத்திய பா.ஜ.க அரசை வீழ்த்த அனைத்து மாநிலக் கட்சிகளும் ஒருங்கிணைய வேண்டும்” என்று தெரிவித்து இருந்தார். 

இந்த நிலையில் திமுக தலைவர் ஸ்டாலினை சந்திக்க ஆந்திர முதல்வர் சந்திரபாபு நாயுடு நாளை காலை சென்னை வருகிறார். தமிழகம் உள்ளிட்ட தென்னிந்தியாவில் பாஜகவுக்கு எதிரான ஒரே அணி பற்றி பேச்சு நடத்தும் சந்திரபாபு நாயுடு, நவம்பர் 9-ம் தேதி கர்நாடக முதல்வர் குமாரசாமியை சந்திப்பார் என்றும் தகவல்கள் வெளியாகியுள்ளன.

newstm.in
 

ராசி பலன்கள் / முக்கிய செய்திகளை தினமும் மின்னஞ்சலில் பெற SUBSCRIBE செய்யவும்

எங்களை பின் தொடர

Advertisement:
[X] Close

Breaking News throughout the day

Latest updates will be delivered to you. You can manage from your browser settings.